Download - islamic education panel

5. Kulingania kwa Mawaidha mazuri
Kwa mnasaba wa kulingania Uislamu kwa lengo la
kuusimamisha katika jamii, mawaidha mazuri ni yale yaliyobeba
sifa zifuatazo:
(i) Yanayotokana na ujumbe halisi wa Qur’an na Sunnah.
Yasiwe yale yanayotokana na simulizi za watu. Yaani
usiwe ni ujumbe wa mapokeo. Kwa maana nyingine
yasitoke kwa sheikh au mwanazuoni fulani bali
yashehenezwe na ushahidi wa Qur’an na Hadith sahihi
za Mtume (s.a.w) na hasa ukizingatia kuwa wahyi
kwa njia ya Jibril umekomea kwa Mtume (s.a.w).
Kwahiyo kila muumini wa kweli ana fursa ya kutumia
vipawa alivyopewa katika kuipambanua Qur’an na
Hadith ili aweze kuitekeleza vilivyo.
(ii) Yale yanayowezesha kuitambua nafasi au hadhi ya
Muislamu katika jamii na kulitambua fika lengo la
kuumbwa binaadamu.
(iii)Yanayo mjenga Muislamu na kumpa ari na hamasa ya
kuufuata Uislamu katika kukiendea kila kipengele cha
maisha yake ya kibinafsi na kumpa ari na hamasa ya
kufanya jitihada za makusudi za kusimamisha Uislamu
katika jamii.
(iv) Yanayomuwezesha mtu kuwa na mtazamo sahihi wa
Uislamu juu ya dhana mbali mbali za maisha ya
kibinafsi na kijamii. Yaani mawaidha mazuri ni yale
yanaonesha mtazamo sahihi kwa mujibu wa Qur’an na
Hadith sahihi, juu ya elimu, dini, imani, uchumi,siasa,
utamaduni n.k.
(v) Yaliyoepukana na laghawi. Yaani mawaidha mazuri ni
yale yaliyoepukana na porojo au hadithi za “paukwa
pakawa”, ambazo huwafanya watu waishie kwenye
kuangua vicheko bila ya kuondoka na ujumbe
wowote utakao pelekea kuongeza ufanisi katika
kuufuata Uislamu kibinafsi na kijamii.
129