Download - islamic education panel

Abu Zarr (r.a) amesimulia kuwa Mtume wa Allah amesema:
“Anayejitoa kwenye ummah (jumuiya ya Kiislamu) hata
kiasi cha upana wa kiganja cha mkono, hakika atakuwa
ameitoa kamba ya Uislamu shingoni mwake”. (Ahmad, Abu
Daud).
Hadith zote hizi zinasisitiza kuwa mwenye kujitenga na
jumuiya ya Kiislamu iliyojengwa na inayoendeshwa kwa misingi ya
Uislamu atakuwa pia amejitenga na Uislamu hata kama ataendelea
kujiita Muislamu au mwanaharakati wa kusimamisha Uislamu.
Hali kadhalika Mwanaharakati aliyejiunga katika kundi la
Harakati lililojengwa na linaloendeshwa katika misingi ya Uislamu
atashikamana na kundi hilo mpaka mwisho wa maisha yake.
Atakayejitoa kwenye kundi bila ya sababu za msingi atakuwa
amejitoa katika Rehema ya Allah(s.w).
3. Kushauriana
Sifa nyingine ya kundi la Harakati ni kuwa na tabia ya
kushauriana katika kuendesha shughuli za Harakati ili kujenga
hisia za umoja na ushirikiano kwa lile wanalolifanya katika
kuendea lengo. Suala la kushauriana ni suala la kidemokrasia
linalosisitizwa mno katika Uislamu kama tunavyojifunza katika aya
ifuatayo:
Basi kwa sababu ya rehema itokayo kwa Mwenyezi Mungu
umekuwa laini kwao (ewe Muhammad). Na kama
ungelikuwa mkali na moyo mgumu, bila shaka
wangelikukimbia. Basi wasamehe wewe na waombee
msamaha (kwa Mwenyezi Mungu) na ushauriane nao katika
99