Download - islamic education panel

Na kadhalika tulijaalia kila mji wakuu wao ndio waovu.
Ikawa humo wanafanya hila (na vitimbi vya kuzuilia watu na
dini ya Mwenyezi Mungu) wala hawafanyi hila isipokuwa
nafsi zao lakini hawatambui. (6:123)
Wakuu hawa waliochukua nafasi ya Allah (s.w) ya
kuwatungia watu wa jamii zao sheria na mwongozo wa maisha,
walijiweka juu ya jamii zao na kujihalalishia kuidhulumu jamii.
Hofu kubwa ya wakuu hawa wa jamii za kikafiri na kishirikina ni
kwamba, wakiuachia Uislamu ukisimama katika jamii, watakosa
maslahi yao, kwani haki itasimama na hawatampata tena wa
kumkandamiza wala kumnyonya. Hivyo hamu yao kubwa ni
kuuzuia Uislamu usisimame katika jamii zao ili wawe na uhakika
wa kuendeleza dhuluma bila ya kipingamizi. Allah (s.w)
anatuhadharisha juu ya hila zao katika aya ifuatayo:
............
“…....... Wala hawataacha kupigana nanyi mpaka wakutoeni
katika dini yenu kama wakiweza. Na watakaotoka katika
dini yao katika nyinyi, kisha wakafa makafiri, basi hao ndio
ambao amali zao zimeharibika katika dunia na akhera. Nao
ndio watu wa Motoni, humo watakaa milele. (2:217)
Hivyo Waislamu wanatakiwa watambue wazi kuwa makafiri
na washirikina ni maadui zao na kamwe wasiwafanye wapenzi wao
na marafiki zao kama Allah (s.w) anavyotutahadharisha:
135