Download - islamic education panel

“Soma kwa jina la Mola wako aliyumba. Ambaye amemuumba
mwanaadamu kwa ‘Alaq (kitu chenye kuning’inia). Soma na
Mola wako ni karimu sana. Ambaye amemfundisha
(mwanaadamu) kwa kalamu amemfundisha mwanaadamu
(chungu ya) mambo aliyokuwa hayajui” (96:1-5).
Kwa mujibu wa aya hii “kusoma kwa jina la Mola” ina
maana ya kusoma kwa lengo la kutafuta radhi za Allah (s.w) au kwa
lengo la kumuabudu Allah (s.w) ipasavyo na kusimamisha Ukhalifa
katika jamii. Amri ya kujielimisha inahusu Elimu ya Mazingira
(majina ya vitu vyote) na Elimu ya Mwongozo (Maarifa ya
Uislamu). Elimu sahihi ni ile iliyosomwa “kwa jina la Mola”, iwe ni
ya Mazingira au Maarifa ya Uislamu. Elimu yoyote itakayosomwa
si kwa jina la Mola haitakuwa sahihi hata ikiwa ni Maarifa ya
Uislamu kama tunavyojifunza katika Hadith:
“Abu Hurairah amesimulia kuwa Mtume (s.a.w) amesema:
‘Anayetafuta elimu isiyokuwa kwa ajili ya kutafuta radhi za Allah
(s.w), hasomi kwa lengo lolote lile ila la kupata maslahi ya hapa
duniani tu. Hivyo siku ya kiyama hatapata hata harufu ya pepo”.
(Ahmad, Abu Daud, Ibn Majah).
Elimu iliyosomwa kwa lengo lake imepewa nafasi ya kwanza
kwa sababu:
(1) Ndiyo pekee inayomuwezesha mwanaadamu kumjua
Mola wake vilivyo na kumuabudu inavyostahiki na
kwahiyo kufikia lengo la kuumbwa - Qur’an (51:56).
(2) Ndiyo nyenzo pekee ya kuwainua waumini daraja, Qur’an
(58:11), na kuwa Makhalifa wa Allah katika jamii.
212