Download - islamic education panel

Hatutaweza kumuigiza Mtume(s.a.w) katika kusimamisha
Uislamu bila ya kujiandaa kama yeye alivyoandaliwa na Mola wake
au bila ya kuzingatia na kuyatia vitendoni mafunzo tunayopata
kutokana na kuandaliwa kwake.
Zama za Jahiliyyah
Zama za jahiliyyah ni zile zama ambazo watu walikuwa
wakiendesha maisha yao ya kibinafsi na kijamii kwa kufuata
matashi yao kinyume na muongozo wa Allah(s.w.) na Mitume
wake. Wakati Mtume (s.a.w) anazaliwa katika karne ya Sita (570
A.D) dunia ilikuwa katika giza totoro la ujahili. Wakazi wa Bara
Arab, katika kipindi hicho walikuwa chini sana kimaadili. Ubabe,
unyanganyi na uporaji mali ya misafara ya biashara yalionekana
matendo ya kishujaa na ya kujivunia. Wanyonge hawakuwa na
haki, wanawake walinyanyaswa na kudhalilishwa hadi kufikia
watoto wa kike kuzikwa wangali hai na wanawake kurithiwa kwa
nguvu kama ilivyorithiwa mali.
Kwa muhtasari hali ya Bara Arab wakati huo wa Jahiliya
ilikuwa kama alivyoeleza Jaffari bin Abu Twalib mbele ya Mfalme
Najash kwa niaba ya waislamu aliwaongoza katika hijira ya
Uhabeshi:.
“Ewe Mfalme, sisi tulikuwa waovu na majahili,
tukiabudia masanamu na kula nyamafu hata mizoga ya
wanyama waliokufa wenyewe.Tulifanya kila aina ya
matendo machafu na ya aibu. Hatukuwa wenye
kuwajibika kwa jirani na jamaa zetu. Wenye nguvu
miongoni mwetu waliwakandamiza wanyonge. Kisha
Allah akamleta Mtume miongoni mwetu ambaye
tulimfahamu vema kwa nasaba yake, utukufu wake na
uzuri wa tabia yake adhimu. Alituita tumuabudu Mungu
mmoja tu na akatukataza kuabudia masanamu na mawe.
Alitufundisha kusema ukweli kutunza amana,
38