Download - islamic education panel

1. Kila mwanakundi kujipamba na sifa za mwanaharakati.
2. Mshikamano wa udugu na upendo.
3. Kushauriana.
4. Nidhamu.
5. Kukosoana kwa nia njema na kwa njia nzuri.
6. Kuepukana na kujiona.
7. Kujiepusha na Ria.
8. Kuwa na Subira
9. Kuwa na Hekima
1. Kila mwanakundi kujipamba na Sifa za
Mwanaharakati.
Asiruhusiwe mtu (kujiunga) kuingia ndani kabisa ya kundi
mpaka awe muislamu wa maneno na vitendo (awe na sifa saba za
Mwanaharakati). Mtu atakuwaje mwanaharakati wa kusimamisha
Uislamu na huku ni mvunjaji mkubwa wa Uislamu katika
mwenendo wake wa maisha yake ya kila siku? si kila mtu
atakayejiita Muislamu au mwanaharakati wa Kiislamu
tumchukulie kuwa yuko hivyo, mtu huyo atathibitika kuwa yuko
hivyo katika mwenendo wake na utendaji wake katika kuziendea
harakati mbali mbali za Kiislamu.
2. Mshikamano wa udugu na Upendo.
Kundi la Waislamu litakalofanikiwa kuulingania Uislamu na
kuusimamisha katika jamii ni lile tu litakaloshikamana pamoja
kwa udugu na upendo. Kila mmoja katika kundi akawa
anawapenda wenzake na kuwahurumia kwa undani na akawa
tayari kujitoa muhanga kwa ajili ya wenzake. Kundi la Harakati
lenye mshikamano huu ndilo litakalofanikiwa katika kulingania na
kuisimamisha Dini ya Allah (s.w) katika jamii, kwani msaada wa
Allah (s.w) na radhi zake ziko juu yao:
84