Download - islamic education panel

Makafiri ambao, wamekanusha kuwepo kwa Allah (s.w.),
lengo hili la kuumbwa binaadamu hawalitambui na huishi hapa
duniani kwa lengo tu la kustarehe. Hivyo, wale makafiri
wanaoshika hatamu ya uongozi katika jamii, huwawekea raia wao
kanuni na sheria zitakazowawezesha (watawala hao) kuishi kwa
starehe bila ya kujali maslahi ya raia. Kwa hiyo, raia waumini chini
ya utawala wa kitwaaghut (kikafiri) nao watalazimika kufuata
kanuni na sheria za twaaghut zinazopingana na kanuni na sheria za
Allah (s.w.) katika kuendea kila kipengele cha maisha ya kijamii,
kama vile uchumi, siasa, utamaduni, n.k. Hivyo, waumini wa
sampuli hii, hata kama watakuwa wanaswali, wanatoa zakat,
wanafunga, wanahiji na kufanya Ibada nyingine kama hizi za
kibinafsi, sehemu kubwa ya maisha yao watakuwa wanaishi nje ya
lengo la kuumbwa kwao. Waumini wa sampuli hii, wanaoridhika
kuishi chini ya utawala wa twaaghut, mbele ya Allah (s.w.) ni
washirikina kama inavyobainika katika aya ifuatayo:-
Wamewafanya wanavyuoni wao na watawa wao kuwa ni
miungu badala ya Mwenyezi Mungu, na (wamemfanya) Masihi
mwana wa Maryamu (pia Mungu) hali hawakuamrishwa
isipokuwa kumuabudu Mungu mmoja, hakuna anayestahiki
kuabudiwa ila Yeye. Ametakasika na yale wanayomshirikisha
nayo. (9:31)
Mayahudi na Wakristo, katika aya hii wanalaumiwa kuwa
wamewafanya viongozi wao (Mapadre na Mafarisayo) kuwa
miungu badala ya Allah (s.w.). Katika kuitafsiri aya hii Mtume
(s.a.w.) aliwafahamisha waumini kuwa, kuwafanya viongozi
miungu badala ya Allah (s.w.), ni pale viongozi watakapotiiwa na
kufuatwa kinyume na sheria na mwongozo wa Allah (s.w).
16