Download - islamic education panel

kuwaangalia ndugu na jamaa na kuwafanyia wema na
kuacha maovu. Alituamrisha kusimamisha swala na
kutoa Zakat. Alituamrisha kujiepusha na maovu na
kujiepusha na umwagaji damu. Alitukataza zinaa,
kusema uwongo, kula mali ya yatima na kuwasingizia
uovu wanawake watwaharifu. Alitufundisha Qur-an…”
(A.H. Siddiqui – The life of Muhammad uk.78).
Hali hii ya ujahili haikutawala Bara Arab peke yake, bali
katika karne hii ya 6 A.D ulimwengu wote, Mashariki na
Magharibi, ulizama katika giza totoro la uovu na ujahili.
Ulimwengu katika zama hizo, wanyonge na watu wa chini
walikandamizwa na kudhulumiwa pasina chembe ya huruma na
wenye uwezo na watukufu miongoni mwao.
Katika kipindi hicho, hata wale waliodai kufuata
mafundisho ya Mitume wa Mwenyezi Mungu, Mayahudi na
Wakristo, walikuwa katika giza hilo hilo la uovu na ujahili,
Mayahudi waliacha mafundisho ya Mtume wao na wakaamua
kuishi kulingana na matamanio ya nafsi zao. Walipotokea Mitume
walifanyiwa maovu mengi kama ilivyobainishwa katika Qur-an.
Wakristo nao waliacha mafundisho sahihi ya Nabii Issa (a.s)
badala yake wakafuata Ushirikina wa Kirumi. Walileta uzushi
mwingi juu ya Dini ya Allah (s.w) kama tunavyojifunza katika Quran:
“Na Mayahudi wanasema:Uzeiri ni Mwana wa Mwenyezi Mungu’
na Wakristo wanasema; ‘Masihi ni Mwana wa Mwenyezi Mungu’;
haya ndiyo wayasemayo kwa vinywa vyao. Wanayaiga maneno ya
wale waliokufuru kabla yao, Mwenyezi Mungu awaangamize.
Wanageuzwa namna gani hawa!(9:30)
39