Download - islamic education panel

(ii) Kutumia Lugha Nyepesi Inayofahamika
kwa Wanafunzi.
Mwalimu anapofundisha somo lolote lisilokuwa lugha, lengo
lakesikufundishalugha inayotumika kufundishia bali lengo lake ni
kumuwezesha mwanafunzi kubaini dhana (concepts) za mada
husika. Hivyo ni wajibu wake kutumia lugha nyepesi na
inayofahamika kwa wanafunzi wake.
Ni katika maelekezo ya Allah (s.w) kuwa tunapofikisha
ujumbe wa msingi kwa watu tuufikishe kwa lugha zao, kwani Yeye
Mwenyewe (s.w) ndivyo anavyofanya katika kuwafikishia ujumbe
Waja wake.
“Na hatukumpeleka Mtume yeyote isipokuwa kwa lugha ya watu
wake ili apate kuwabainishia. Kisha Mwenyezi Mungu
anamuacha kupotea Amtakaye (kwa kuwa mwenyewe hataki
kuongoka), na humuongoza Amtakaye. Naye ni Mwenye nguvu
(na) Mwenye hikima” (14:4).
Kwa mnasaba wa aya hii ni jambo la busara na hekima kwa
hapa Tanzania kuwafundisha watu Maarifa ya Uislamu kwa
Kiswahili au,kwa lugha ya kabila husika ikibidi, kuliko kutumia
kiarabu au lugha nyingineyo ya kigeni isiyofahamika vyema kwa
wanafunzi unaowafundisha.
Ukirejea historia jamii yetu ya Waislamu kuwa hivi ilivyo,
imechangiwa kwa kiasi kikubwa, kwa kutumia lugha ya
kiarabu, isiyojulikana kwa watu, kuwa ndio lugha pekee ya
kufundishia Uislamu. Mpaka hivi leo kuna baadhi ya Waislamu,
tena wanachuoni, wanaoamini kwamba mtu hawezi kupata Elimu
ya Mwongozo (Maarifa ya Uislamu) bila kutumia lugha ya kiarabu.
213