Download - islamic education panel

Utangulizi:
Sura ya Tatu
MWANAHARAKATI WA KIISLAMU
Dai’ah au Mwanaharakati ni Muislamu anayefanya jitihada
za makusudi za kusimamisha Uislamu katika jamii.
Da’awah au kazi ya kulingania Uislamu ndiyo kazi ya Mitume
wote hivyo mitume wote walikuwa Wanaharakati. Kila Muumini
wa kweli anawajibika kuwaiga mitume katika kazi ya Da’awah,kazi
ya kuwaita watu kwenye Uislamu ili waufuate vilivyo na
kuusimamisha katika jamii.Katika Hija ya kuaga (Hijjatul-Wadaa),
Mtume Muhammad (s.a.w) alimuagiza kila Muislamu kuufikisha
ujumbe wa Uislamu kwa kadri ya uwezo wake angalau aya moja
anayoifahamu.Mwishoni mwa Khutba yake alisema:
“Na afikishe aliyekuwepo kwa yule asiyekuwepo.Kwani
watu wengi wanaofikishiwa ujumbe wanaweza kuwa wenye
kuufuata (wenye kuuzingatia) kuliko walioupata moja kwa
moja kwa mtoaji ujumbe”.
Kutokana na maelezo hayo ni dhahiri kuwa kila Muislamu
anawajibika kuufikisha ujumbe wa Uislamu kwa wengine kwa
kadri ya uwezo wake. Akianzia na watu wa nyumbani kwake, jamaa
zake, rafiki zake na kisha jamii yake kuanzia ngazi ya mtaa hadi
taifa na Mataifa.
Mitume wa Allah (s.w) hawakuifanya kazi hii kinadharia tu,
bali walikuwa katika mstari wa mbele katika utekelezaji wake.
Waliwavutia wafuasi wao si kwa maneno tu, bali tabia zao na
mienendo yao mizuri iliathiri jamii zao kwa kiasi kikubwa. Hivyo
yeyote yule aliyeitikia wito wa kuifanya kazi hii takatifu ya
62