Download - islamic education panel

Na namna hii tumemfanyia kila Nabii maadui (na ni)
mashetani katika watu na majini. Baadhi yao
wanawafunulia wenziwao maneno ya kupamba-pamba ili
kuwadanganya (na kuwapoteza). Na kama Mola wako
angalipenda wasingalifanya hayo. Basi waache na
uwongo wao. (6:112)
Katika Qur’an tunajifunza kuwa Shetani ni katika watu na
majini ambao huwalaghai watu kwa maneno ya kupamba pamba ili
waache kuufuata Uislamu kama ulivyoelekezwa katika Qur-an na
mafundisho ya Mtume (s.a.w) na badala yake wafuate njia ya hao
mashetani (matwaghuuti). Tunatahadharishwa katika Qur’an
kuwa wale wasioamini Akhera watatekwa nyara na mashetani,
watawafanya marafiki,watawatii na kufuata utaratibu wa maisha
waliowapambia. Tunafahamishwa katika aya hizi kuwa dawa ya
kumwepuka Shetani ni kufuata hukumu zote za Qur-an, yaani
kuendesha maisha yote kwa mujibu wa Qur-an na Sunnah.
Endapo Muislamu atatokea kuteleza au kuhisi kuteleza kidogo na
kutoka nje ya Qur-an na Sunnah, basi mara tu anapogundua hivyo
ajikinge kwa Allah (s.w) na Shetani na arejee haraka katika njia
iliyonyooka kama tunavyoelekezwa katika Qur-an:
Na kama wasiwasi wa shetani ukikusumbua, basi jikinge
kwa Mwenyezi Mungu. Bila shaka yeye ndiye asikiaye na
ajuaye.(7:200)
159