Download - islamic education panel

wanashirikiana na utawala wa Kitwaghut katika kuzima harakati za
kulingania na kusimamisha Uislamu katika jamii.
4. Kulingania kwa Hekima
Hekima ni kipengele cha tabia njema chenye maana pana.
Hekima kwa ujumla ni kufanya jambo la sawa sawa kwa namna ya
sawa sawa kwa wakati wa sawa sawa na katika mazingira ya sawa
sawa katika kuendea lengo husika. Kwa mnasaba wa kulingania
Uislamu kwa lengo la kuusimamisha katika jamii hekima itakuwa
imetumika pale:
(1) Uislamu utakapolinganiwa kwa usahihi wake kwa kutumia
mtaala wa Qur’an na Sunnah.
(2) Kisha ukafundishwa kwa kutumia mbinu stahiki
zinazolandana na mwongozo wa.Qur’an na Sunnah.
(3) Kisha ukafundishwa kwa kuzingatia wakati uliopo, wakati
wa sayansi na teknolojia, wakati wa utandawazi, n.k.
(4) Na kisha ukazingatia mazingira yaliyopo, ikiwa ni pamoja na
kujua historia ya Uislamu wa watu wa eneo husika; maadui
wa Uislamu na mbinu zao dhidi ya Uisiamu, mila na desturi
za watu unao walingania, umri wao, kiwango chao cha elimu
ya mazingira na elimu ya mwongozo n.k.
Ni vema kusisitiza kuwa hekima si woga au kuchelea
matatizo au kuepa majukumu. Mara nyingi wanafiki wamesingizia
kutumia hekima, kumbe wanaogopa au wanachelea kukabiliana na
magumu au wanaepa majukumu yanayo wakabili katika mchakato
wa kusimamisha Uislamu katika jamii. Ni kweli kwamba kazi ya
kulingania na kusimamisha Uislamu katika jamii si jambo jepesi,
bali ni jambo linalohitaji ujasiri, kujitoa muhanga na subira kama
Allah (s.w) anavyotukumbusha mara kwa mara katika Qur’an
(rejea 2:214; 3:142; 9:16; 47:31)
128