Download - islamic education panel

“Kwa yakini Mwenyezi Mungu anawapenda wale wanaopigana
katika njia yake safu safu (mkono mmoja) kama kwamba wao ni
jengo lililokamatana barabara.” (61:4)
Kundi hili litapatikana pale tu Waislamu walioamua
kujiingiza katika kazi ya kupigania dini ya Allah (s.w)
watakapokamatana baraabara kwa ushirikiano, umoja, udugu na
upendo. Mshikamano au mkamatano wa aina hii ni muhali
kupatikana pasi na kila mwanakundi kuzingatia na kutekeleza
yafuatayo:
(a) Kuwa na lengo moja tu.
(b) Kuwafanyia wema wanakundi na
(c) Kutowafanyia mabaya wanakundi.
(a) Kuwa na lengo moja tu
Kila mlinganiaji hana budi kufahamu vyema kuwa lengo lililo
mbele yake ni kuhakikisha kuwa dini ya Allah (s.w) inasimama
katika jamii na kuwa juu ya dini zote kama lengo hili
lilivyobainishwa katika Qur-an:
“Yeye (Allah) ndiye aliyemtuma Mtume wake kwa uongofu
na dini ya haki ili kuifanya ishinde dini zote ijapokuwa
washirikina watachukia.” (9:33, 61:9)
Maana ya Uislam kuwa juu ya dini nyingine zote ni kwamba
pamoja na kuwepo taratibu nyingine za maisha katika jamii,
utaratibu wa maisha aliouweka Allah (s.w) kupitia kwa Mitume
yake, yaani Uislamu, ndio pekee utakaofuatwa na Waislamu katika
kuendesha maisha yao ya kibinafsi na ya kijamii.
85