Download - islamic education panel

Pia katika aya hii (49:12) tunaonywa kuwa tujiepushe na
kuwadhania watu vibaya na kupeleleza mambo ya watu. Haya
nayo ni matunda maovu yanayofitinisha watu walioungana na
kuwafarakanisha.
(iii) Kudharauliana na Kutukanana
Dharau na matusi ni miongoni mwa maovu yanayovuruga
mshikamano na upendo baina ya watu. Maovu haya yanakemewa
katika aya ifuatayo:
Enyi mlioamini! Wanaume wasiwadharau wanaume
wenzao, huenda wakawa bora kuliko wao; wala wanawake
wasiwadharau wanawake wenzao, huenda wakawa bora
kuliko wao. Wala msitukanane kwa kabila, wala msiitane
kwa majina mabaya (ya kejeli). Jina baya la kuambiwa mtu
ni “asi” baada ya kuwa ni Muislamu. Na wasiotubu basi
hao ndio madhalimu. (49:11).
(iv) Kumchukia Muislamu pasina sababu ya msingi
Ni katika uovu kumchukia Muislamu bila ya sababu ya msingi.
Kupenda kwa Muislamu na kuchukia kwake watu kuwe kwa ajili ya
Allah (s.w) tu.
(v) Kuvunjiana heshima na kuzuliana
Kuvunjiana heshima na kuzuliana ni miongoni mwa maovu
ambayo husababisha chuki na uhasama baina ya watu.
97