Download - islamic education panel

Hapana shaka kuwa kundi la Harakati na Waislamu wote
kwa ujumla watashikamana pamoja na kuwa umma mmoja
endapo kila mmoja atakuwa na lengo la kusimamisha Uislamu
katika jamii na endapo kila mmoja atajitahidi kuwatendea ndugu
zake wema na kujitahidi kujiepusha na kuwatendea maovu. Baada
ya kuwa Waislamu wameungana na kushikamana pamoja,
pasitokee mtu wa kuwafarakanisha. Mwenye kuwafarakanisha
Waislamu ni adui mkubwa mbele ya Allah (s.w) na anastahiki
kupigwa vita kama tunavyojifunza katika Hadith ifuatayo:
Usamah bin Shariik (r.a) ameeleza kuwa Mtume wa Allah
amesema: “Yeyote yule atakayejitokeza kuwagawanya
Waislamu, mkateni kichwa chake”. (Nisai).
Pia Muislamu haruhusiwi kujitenga na ummah wa Kiislamu
kwa vyovyote vile itakavyokuwa. Mwenye kujitenga na Ummah wa
Kiislamu atakuwa amejitenga na Uislamu hata kama ataendelea
kuswali, kufunga, kuhiji, na kadhalika, kama tunavyojifunza katika
Hadith zifuatazo:
Ibn Abbas (r.a) ameeleza kuwa Mtume wa Allah amesema:
“Yeyote atakayeona jambo lisilompendeza kwa Kiongozi
wake awe na subira, kwani hapana yeyote atakayejitenga na
Jumuiya (Ummah) ya Kiislamu hata kiasi cha kimo cha
kiganja cha mkono, ila akifa anakufa kifo cha wakati wa
ujahili. (Bukhari na Muslim).
Ibn Umar (r.a) ameeleza kuwa Mtume wa Allah amesema:
“Allah (s.w) hatawaunganisha wafuasi wangu (Waislamu)
katika mambo ya upotofu, na mkono wa Allah uko juu ya
watu walioshikamana; na atakayejitenga (na Ummah)
atatengwa katika moto wa Jahannam.” (Tirmidh)
98