Download - islamic education panel

Utangulizi:
Sura ya Kwanza
HAJA YA KUSIMAMISHA UISLAMU
KATIKA JAMII
Kusimamisha Uislamu katika jamii ndio lengo kuu la kuletwa
Mtume(s.a.w) kama inavyobainika katika Qur’an:
“Yeye (Allah) ndiye aliyemtuma Mtume wake kwa uongofu na
dini ya haki (Uislamu) ili aijaalie kushinda dini zote, ijapokuwa
watachukia washirikina.” (9:33, 61:9)
Kwa mujibu wa aya hii ambayo imerudiwa katika sura mbili
tofauti, lengo la kuletwa Mtume Muhammad (s.a.w), na mitume
wote kwa ujumla, ni kuutawalisha Uislamu juu ya mifumo yote ya
maisha katika jamii ya binaadamu.
Katika kipindi cha miaka 23, Mtume (s.a.w) na waumini
aliokuwa pamoja nao, walifanikiwa kufikia lengo hili na Allah (s.w)
anashuhudia hili katika aya ifuatayo:
Yeye ndiye aliyemtuma, (aliyemleta) Mtume wake kwa uwongofu na
dini iliyo ya haki, ili aishindishe juu ya dini zote. Na Mwenyezi
Mungu anatosha kuwa Shahidi”. (48:28).
1