Download - islamic education panel

Sura ya Nane
MWONGOZO WA KUJIFUNZA NA KUUJUA
UISLAMU KWA WEPESI
Utangulizi:
Kutafuta Elimu sahihi ya Mwongozo (Maarifa ya
Uislamu) ni jambo lenye thamani kubwa lisilo na mfano wa
kulinganishwa. Elimu sahihi ya Mwongozo ni ile elimu
inayomuwezesha mtu kumjua Mola wake vilivyo na kumuabudu
inavyostahiki katika kila kipengele cha maisha yake ya kibinafsi na
kijamii na kumpa ari na hamasa ya kuutawalisha Uislamu katika
jamii.
Elimu sahihi ya Mwongozo iliyoingizwa kwenye utekelezaji
ndiyopekee inayomuwezesha binaadamu kupata radhi za Allah
(s.w) na kuishi kwa furaha ya milele huko akhera.
Kutokuwa na elimu sahihi ya Mwongozo ni sababu tosha ya
kumfanya mtu aghadhibikiwe na Mola wake na kuishi maisha ya
khofu na huzuni hapa duniani na kustahiki adhabu kali huko
akhera.
Kuujua Uislamu sahihi na kuutekeleza ni jambo jepesi
kama Allah (s.w) anavyosisitiza:
...... ......
‘…. Wala Hakuweka juu yenu mambo mazito katika dini. (Nayo
Dini hii) ni Mila ya baba yenu Ibrahimu…” (22:78)
“Nasi tutakusahalishia Dini iliyo nyepesi” (87:8).
200