Download - islamic education panel

Kama watu watajenga kwa kujitolea kufyatua tofali n.k.
ielezwe au kama atatafutwa mkandarasi ielezwe pia na wapi
fedha za kumlipa zitatoka.
(5) Lini? Ili kufuatilia utekelezaji, ni lazima ielezwe
shughuli zitaanza na kukukamilika lini. Lini shule
itaanza kujengwa na lini itakamilika. Zahanati itaanza
kujengwa lini na lini itaanza kufanya kazi, na lini fedha
za mfuko wa misaada zitaanza kuchangwa na lini
mikopo itaanza kutolewa.
(6) Wapi – ni lazima ionyeshwe shule na zahanati
zitajengwa wapi, Ardhi itapatikana wapi na taratibu zote
za kumiliki zifuatwe.
Kwa upande wa mfuko wa misaada ielezwe fedha
zitahifadhiwa wapi Mfano Benki ya Taifa ya biashara, Benki
ya CRDB na n.k.
(7) Kwa gharama gani? Gharama za kila mradi zionyeshwe,
mfano:
(a) Shule – milioni 50.
(b) Zahanati milioni 20.
(c) Mfuko wa misaada milioni 30.
(8) Nini faida ya kufanya yote haya? utapatikana msingi na
mazingira mazuri ya kuusimamisha Uislamu.
Kama tulivyotaja awali, kuwa na mipango kama hii, ndiyo
njia pekee ya kujua wapi watu wanaelekea na hatua waliyopiga
katika maendeleo. Bila kuwa na mipango, Imamu wa Msikiti au
Katibu wa Jumuiya hatajua majukumu yake. Ataamua kufanya
lolote analoona linafaa kwa sababu hana dira. Aidha. Waumini
nao hawatakuwa na mahali maalum pa kupeleka mali zao na nguvu
175