Download - islamic education panel

Yeye tutarejea (atatupa jaza yake)”.
Hao juu yao zitakuwa baraka zitokazo kwa Mola wao na
rehema; na hao ndio wenye kuongoka”. (2:155-157).
7. Kuwa na Hekima
Hekima ni miongoni mwa sifa kuu muhimu anayotakiwa awe
nayo Mwanaharakati.Kamwe mafanikio hayatapatikana pasi na
kutumia hekima. Kutumia hekima katika Harakati ni maamrisho
ya Allah (s.w.) kama anavyotuagiza katika aya ifuatayo:
Waite (watu) katika njia ya Mola wako kwa Hekima na
mawaidha mema, na ujadiliane nao kwa namna iliyo bora.
Hakika Mola wako ndiye anayemjua aliyepotea katika njia
yake, naye ndiye anayewajua walioongoka. (16:125)
Hekima ni kipengele cha tabia njema chenye maana pana.
Hekima kwa ujumla ni kufanya jambo la sawa sawa kwa namna ya
sawasawa kwa wakati wa sawa sawa katika mazingira ya sawa
sawa.
Mafunzo na mazoezi ya kumuandaa mwanaharakati
Mwanaharakati baada ya kuzifahamu hizo sifa saba za
msingi, hanabudi kufanya jitiahada za makusudi za kujiandaa
kama alivyo andaliwa Mtume (s.a.w). Tunajifunza katika historia
kuwa Mtume (s.a.w) aliandaliwa ki-il-hamu na kimafunzo.
Pamoja na kuzingatia mafunzo yatokanayo na maandalizi ya
Mtume (s.a.w) ya ki-il-hamu, hatunabudi pia kuzingatia mafunzo
ya ujumbe wa wahy wa mwanzo mwanzo alioshushiwa Mtume
(s.a.w) katika kukabidhiwa dhima ya utume katika:
76