Download - islamic education panel

Tukirejea historia, tunaona kuwa Mtume Muhammad (s.a.w)
alipata maandalizi ya aina mbili, Maandalizi ya Ki-il-hamu na
Maandalizi ya kufunzwa na kuelekezwa moja kwa moja.
Maandalizi ya Ki-il-hamu
Ni maandalizi yaliyompitia Mtume (s.a.w) katika kipindi cha
miaka 40 kabla ya kupewa Utume rasmi. Katika maandalizi haya
hapana mafunzo rasmi yanayotolewa bali tunajifunza kutokana na
matukio na mazingira kuwa palikuwa na mpango maalum
uliopangwa kumuaanda Mtume(s.a.w). Ili tuone maandalizi haya
hebu tuzingatie matukio machache katika maisha ya Muhammad
(s.a.w) kabla ya kupewa Utume ikiwa ni pamoja na:
(i) Kuzaliwa Makka katika kabila tukufu la Quraish
(ii) Kupewa jina la Muhammad
(iii) Malezi bora aliyoyapata
(iv) Tabia njema isiyo na mfano wake
(v) Ndoa yake na Bibi Khadija
(vi) Kuchukia maovu na kujitenga pangoni
(i) Kuzaliwa Makka katika kabila la Quraish
Mtume (s.a.w) kuzaliwa Makkah katika kabila tukufu la
Quraysh, chini ya ulezi wa Babu yake Abdul-Muttalib, aliyekuwa
kiongozi wa Maquraysh, ni kielelezo kuwa alistahiki kuchaguliwa
kuwa kiongozi wa watu wake. Kabila la Quraish ni katika kizazi cha
Nabii Ibrahim (a.s) kupitia kwa Ismail (a.s). Mtume (s.a.w) kuwa
Mtume na kiongozi wa Dola ya Kiislamu ni jibu la dua ya Nabii
Ibrahimu baada ya kukamilisha kazi ya kujenga upya Ka’abah:
Na (kumbukeni khabari hii pia) Ibrahimu alipoinua kuta
za nyumba (hii ya Al-Kaaba) na Ismail (pia); (wakaomba
41