Download - islamic education panel

umuhimu wa watu kuisoma Qur’an, kuielewa, kuizingatia,
kuifundisha na kuitekeleza. Zipo Hadith nyingi, hatuna haja ya
kuzinukuu.
Marekani kwa kupitia aliyekuwa Waziri wa Mambo ya nchi
za nje wa zamani Bw. Collin Powell, na Waziri wa Ulinzi Bwana
Donald Rumsfed wamesema kuwa umadhubuti wa Waislamu
unatokana na wao kuisoma, kuifundisha, kuiamini na kuifuata
Qur’an. Hivyo ufumbuzi wa kudumu ni kuwatoa Waislamu katika
Uislamu wao kwa kuingilia mafundisho ya Qur’an. Na njia nzuri ni
kuanzia kwenye madrasa zao. Kampeni hiyo iwe dunia nzima.
Hapa tutaangalia tu wanayoyafanya Tanzania na mafanikio yao
ukilinganisha na yetu sisi wanaharakati.
Njia ya kwanza waliona ni kutoa misaada kwenye madrasa
ili iwe ni mwanya na hatimaye kubadilisha mitaala ya madrasa.
Huko Kenya wakaenda kwa pupa kwa balozi wa Marekani kutoa
rundo la misaada ya vitabu na pesa kwa madrasa. Waislamu
wakashituka na wakakataa. Makafiri hawakukata tamaa
wakajifunza kosa lao. Hapa Tanzania, wakaamua kuwa kwanza
kabisa waanze na utafiti utakaowajulisha ukweli halisi juu ya
madrasa. Na wakaona Marekani wasionekane waziwazi.
Wakawatumia watu wengine, yaani shirika la Kijerumani liitwalo
Konrad Adeneur Stiftung. Mwezi Mei/Juni 2003 walifanya
utafiti wao waliouita “Qur’an Madrasa Baseline Survey.”
Yaani utafiti wenye lengo la kujua hali halisi ya Madrasa kwa mkoa
wa Dar es Salaam. Waliyagundua mengi, lakini kwa sasa tuseme tu
kuwa baadhi ya waliyoyajua ni kuwa karibu nusu ya walimu wa
madrasa wanapata mshahara wa chini ya shilingi 10’000/= kwa
mwezi. Na wengine hawalipwi kabisa. Theluthi mbili ya madrasa
zinamilikiwa na watu binafsi na zipo vibarazani. Wazazi na
viongozi wa Kiislamu hawana taarifa wala hawataki kufuatilia
kinachoendelea kwenye hizo madrasa. Baada ya kuupata ukweli
huo Marekani ikaamua kuanza kuingilia madrasa kwa kuanzia
Zanzibar.
32