Download - islamic education panel

Utangulizi
DHANNA YA KUHUISHA UISLAMU
KATIKA JAMII
Tunaposema kuhuisha Uislamu katika jamii hatuna maana ya
kuongeza idadi ya Waislamu katika jamii. Waislamu wanaweza
kuwa asilimia 99.99 lakini bado Uislamu usiwepo katika jamii.
Kwa mfano nchi nyingi za Uarabuni ikiwemo Saudi Arabia ilipo
Ka’abah, idadi kubwa ya wakazi wa nchi hizo, zaidi ya asilimia 99
ni Waislamu lakini bado Uislamu haujasimama katika nchi hizo.
Tusiende mbali, turudi hapa Tanzania, asilimia 99 na zaidi ya
wakazi wa Zanzibar ni Waislamu. Vile vile hapa Tanzania kuna
idadi kubwa ya Waislamu ukilinganisha na watu wengine katika
mikoa yote ya Pwani, Tabora na Kigoma. Aidha, idadi ya Waislamu
ni kubwa sana takribani katika miji yote mikubwa ya mikoa ya
Tanzania; kielelezo ni wingi wa misikiti katika miji hiyo na
kufurika kwake katika siku za Ijumaa na hasa katika mwezi wa
Ramadhani, lakini bado kijamii hapaoneshi kuwepo Uislamu
katika mikoa na miji hiyo ya Waislamu.
Kinyume chake, Waislamu wanaweza kuwa wachache katika jamii
kama asilimia (10%) tu hivi lakini bado wakaweza kudhihirisha
Uislamu katika jamii yao. Mhadhiri maarufu wa “Biblia” duniani
(wa ulinganisho wa Uislamu na Ukristo) duniani Al-marhuum
Sheikh, Ahmed Deedat, wa Afrika ya Kusini, alishangazwa sana na
hali ya Waislamu wa Tanzania, alipotembelea hapa mwaka 1981.
Alishangaa kuona kuwa pamoja na wingi wa Waislamu, hasa
Zanzibar, Uislamu haukuwa na athari yoyote katika jamii. Kwa
mfano, wakati Sheikh Deedat anaonesha mshangao wake,
alishikilia gazeti la “Daily News” lililokuwa na orodha ya
wanaojiunga na Chuo Kikuu cha Dar es Salaam, Chuo cha Ardhi na
Chuo cha Maji. Alionesha kuwa katika wale wote waliochaguliwa
kujiunga na Vyuo hivyo Waislamu walikuwa chini ya
(x)