Download - islamic education panel

(i) Mtu binafsi kusoma elimu sahihi juu ya Uislamu kwa
kufuata mtaala wa: Maarifa ya Uislamu, Darasa la Watu
Wazima, Juzuu 1-7 (IPC).
(ii) Mtu binafsi kujipamba na Sifa za Mwanaharakati
(kuingiza elimu sahihi katika matendo).
(iii) Kuiendea familia - mke/mume, watoto, wazazi na wale
wote waliochini a malezi ya familia.
(iv) Kuwafikishia ujumbe wa Uislamu marafiki na jamaa wa
karibu na kuwashawishi nao waufikishe ujumbe huo kwa
familia zao, rafiki na jamaa zao wa karibu.
(v) Kuanzisha Darasa Duara litakalo wakusanya na
kuwaelimisha juu ya Uislamu kinadharia na kimatendo
wale wote uliowalingania na kuupokea ujumbe wa
Uislamu. Darasa Duara likiendeshwa na
kuongozwa inavyostahiki huwa ndio chimbuko la kundi
madhubuti la Harakati.Darasa Duara huanzia ngazi ya
familia kisha mtaa hadi kufikia ngazi ya taifa kulingana na
ukuaji wakundi la Harakati.
Nini Darasa Duara?
Darasa Duara ni darasa linaloendeshwa kwa mtindo wa
semina. Panakuwa na mada inayowasilishwa na mmoja wa wana
darasa au kiongozi wa darasa, kisha mada hiyo huchangiwa na
kujadiliwa na wanadarasa mpaka ieleweke vyema kwa kila mwana
darasa. Baada ya mada kueleweka. Wanadarasa hupitisha
maazimio ya utekelezaji wa mada hiyo katika maisha ya kila siku.
Kisha kufuatia tathmini ya utekelezaji wa maazimio haya katika
darasa linalofuata kabla ya kuanza mada mpya. Hivi ndivyo Mtume
(s.a.w) alivyowalea maswahaba zake kama tunavyojifunza kwa Ibn
Masoud kuwa, wao (Maswahaba) hawakuwa wanapokea aya kumi
mpya alizokuwa akiwasomea Mtume (s.a.w) kabla
hawajahakikisha zile kumi walizosomewa awali wameziingiza
katika matendo ya maisha yao ya kila siku. Mtume (s.a.w) naye
alikuwa makini katika kufuatilia utekelezaji wa yale aliyowafunza
maswahaba wake.
109