Download - islamic education panel

itajiangamiza yenyewe kwa ufuska utakaotokea. Ni hila hiyo ya
shetani ndiyo inayowapelekea baadhi ya watu kudhani kuwa
maendeleo hayawezi kupatikana sharti kwanza wanawake watupe
shungi zao na hijabu. Na ili kuyaweka mawazo vizuri kabla ya
kujadiliana mambo muhimu ya kitaifa baadhi ya vikao
hutanguliwa na vikundi vya wanawake walionusu uchi wakinengua
jukwaani!
Tano, Binaadamu kwa umbile lake hayuko tayari kukubali
kirahisi wito wa kufanya maovu. Kwa sababu hiyo siku zote jambo
hata likiwa ovu hupambwa kwa sifa nzuri na ndipo watu hulitenda.
Hata kama imethibitika kuwa pombe inaharibu afya ya mwili na
akili na hivyo kudidimiza jamii, matangazo ya pombe katu
hayasemi: Kunywa pombe ili uharibu haraka afya yako ya mwili na
akili, bali yatasema: “Baada ya kazi ngumu burudisha mwili wako
kwa pombe kadhaa ili uwe mwenye afya, nguvu na furaha tele!”
Hizi ni hila za shetani.
Sita, Binaadamu kwa umbile lake pia anatamani sana
kufikia daraja ya juu kuliko aliyonayo sasa, au kutamani kudumu
milele. Ndiyo maana Shetani alimdanganya, Nabii Adamu (a.s)
kuwa atakuwa Malaika na ataishi milele akiiasi amri ya Allah(s.w).
Hila hiyo hiyo yaendelea kutuumiza hata leo kwani shetani
huwarubuni watu kwa kuwafanya waamini kuwa
yanayopendekezwa na shetani kama wizi, dhuluma, mauaji, riba,
n.k. yatawapatia maisha ya juu ya anasa na fahari.
Saba, Binadamu anapomwasi Allah (s.w), Allah (s.w)
humwumbua na kuyaweka wazi maovu yake.
166