Download - islamic education panel

“Wanataka kuzima nuru ya Mwenyezi Mungu (Uislamu) katika
jamii kwa vinywa vyao, hakika Mwenyezi Mungu atakamilisha
nuru yake ijapokuwa makafiri watachukia.” (61 :8)
Kama ilivyo Sunnah (kawaida) yake, Allah (s.w.)
hatausimamisha Uislamu katika jamii kwa kuwahilikisha makafiri
wote katika jamii au kuwalazimisha watu wote wawe waumini, bali
anaahidi kutimiza nuru yake kwa kuwasaidia waumini dhidi ya
makafiri pale watakapokuwa tayari kujitoa muhanga kwa mali zao
na nafsi zao kupigania uhuru wao wa kufuata Uislamu katika kila
kipengele cha maisha ya jamii.
Umuhimu wa kusimamisha Uislamu katia Jamii
Umuhimu wa kusimamisha Uislamu katika jamii unadhihiri
katika vipengele vifuatavyo:
(i) Kusimamisha Uislamu ni faradh (lazima) kwa waumini.
(ii) Msamaha na Pepo ya Allah (s.w) imeahidiwa kwa wenye
kufanya juhudi za makusudi za kusimamisha Uislamu.
(iii)Allah (s.w) ameshusha chuma (silaha) kwa lengo la
kusimamisha Uislamu katika jamii.
(iv)Kusimamisha Uislamu katika jamii ndio lengo kuu la
maisha ya muumini.
(i) Kusimamisha Uislamu katika jamii ni faradh:
Kwa Waislamu, suala la kusimamisha Uislamu katika jamii
limefaradhishwa kwao kama ilivyo faradhishwa Swala, Zakat,
Swaumu na Hijja, kama tunavyojifunza katika aya ifuatayo:
6