Download - islamic education panel

zao. Kila mmoja atafanya ajualo na awezalo. Matokeo yake ni
kukosekana kwa mshikamano, kupoteza nguvu na juhudi za bure
na kukosekana kwa maendeleo kwa ujumla.
Mfano halisi ni hali ya Misikiti yetu na jumuiya zetu hivi leo.
Kwa vile Misikiti haina mipango yoyote ya maendeleo, Imamu
huishia kuongoza swala na maamuma kuswali na kutawanyika.
Hakuna lolote linalofanyika kuwaletea maendeleo ya elimu,
uchumi na afya katika eneo lao.
Kubwa linalofanyika ni kutoa mawaida na kuamsha hamasa
bila ya kuweka mipango ya kutafsiri mawaida na hamasa hizo
katika vitendo vya kimaendeleo. Watu wamekuwa kana kwamba
wanasubiri maendeleo yao yashuke toka mbinguni au kuletwa na
watu wengine.
Kisa cha kuokolewa Nabii Nuhu (a.s) na gharka pamoja na
wale aliokuwa nao katika safina kina funzo kubwa juu ya mipango.
Tunafahamu kuwa baada ya wale waliokufuru kukataa kabisa
kuukubali ujumbe alioleta Nabii Nuhu; Mwenyezi Mungu
aliwaangamiza na kuwaokoa wale wachache walioamini.
............
“… ........ Basi tukamwokoa yeye na waliokuwa naye katika
jahazi. Na tukawafanya wao ndio waliobakia ulimwenguni.Na
tukawazamisha wale waliozikadhibisha aya zetu…......” (10:73)
Tunajua kwamba Mwenyezi Mungu atakapo jambo
huliambia liwe na likawa.
Hakika amri yake anapotaka chochote (kile kitokee) ni
kukiambia: “Kuwa”; basi mara moja huwa. (36:82)
176
..........