Download - islamic education panel

Kundi la Harakati halina budi kuwa macho sana, kwani ni
rahisi mno kutumbukia ndani ya majivuno na kujifaharisha. Ni
rahisi kwa wale Waislamu wachache katika jamii wanaojizatiti
kufanya amali njema, kujiona kuwa wao ni bora kuliko jamii
iliyowazunguka. Pia wale wanaojitahidi kutenda mema na
kuwafanyia wengine mema, hutokea kuwa watu hufurahia
mwenendo wao na kuanza kuwasifu. Sifa hizi huwapandisha
kichwa na kujiona kuwa ni watu muhimu, wakaanza kuwatangazia
watu kuwa wao ni muhimu na wakajionyesha katika mwendo wao.
Kundi la Harakati litakapotumbukia katika majivuno na
kujifaharisha, lifahamu kuwa limeshashindwa na kazi na badala ya
kutarajia kutengenekewa, litarajie kuharibikiwa na kuhiliki. Kundi
la Harakati litaepukana na majivuno na kujitukuza endapo kila
Mwanaharakati na kundi la Harakati kwa ujumla, litajitahidi
kufanya yafuatayo:
kwanza, kuwa na Ikhlas – kufanya kazi ya Da’awah kwa
ajili ya Allah (s.w) tu kwa kutarajia kupata Radhi yake na malipo
bora ya Akhera.
Pili, kila Mwanaharakati na kundi la Harakati kwa ujumla
lijifanyie muhasaba (lijihesabu na kujitathmini). Muislamu
mwenye tabia ya kujihesabu kabla ya kuhesabiwa hujigundua
udhaifu wake na makosa yake. Mtu mwenye kujiona makosa yake
na udhaifu wake mara kwa mara kamwe hawezi kujiona bora na wa
maana kuliko wengine. Daima atajiona si lolote wala si chochote
mbele ya wengine na mbele ya Allah (s.w) na atajitahidi kutembea
kwa unyenyekevu katika ardhi.
Tatu, jambo linalosaidia sana katika kumuepusha Muislamu
na majivuno na kujitukuza katika ardhi, ni kujenga tabia ya
kuwaangalia watu wema na wacha-Mungu waliomzidi katika
kutenda wema. Muislamu atakapojilinganisha na watu watendao
105