Download - islamic education panel

hakilaumiwi kwa kuonesha alama ya uchafu usoni. Ni juu ya
mwenye kujitazama kiooni (mkosolewaji) kuundoa uchafu huo
usoni mwake.
6. Kujiepusha na kujiona
Kujiona na majivuno ni miongoni mwa vipengele vya tabia
ambayo humtoa mtu katika njia ya Allah (s.w). Makemeo ya Allah
(s.w) yako wazi juu ya wenye kujiona na kujivuna katika ardhi.
Hebu turejee aya chache zifuatazo:
Wala usiwatazame (watu) kwa upande mmoja wa uso, wala
usiende katika nchi kwa maringo, hakika Mwenyezi Mungu
hampendi kila ajivunaye, ajifaharishaye. (31:18)
Wala usitembee(usiende)katika ardhi kwa maringo. Hakika
wewe huwezi kupasua ardhi wala huwezi kufikia urefu wa
milima(Basi unajivuna nini). (17:37).
Aya hizi zinatufahamisha wazi kuwa Allah (s.w) hawapendi
wanaojivuna na kujifaharisha. Hivyo mwenye tabia hii mbaya hana
radhi mbele ya Allah (s.w) katika maisha haya ya dunia na katika
maisha ya Akhera.
Mwanaharakati na kundi la Harakati kwa ujumla, ili lipate
mafanikio katika kazi yake ya kulingania na kusimamisha Uislamu
katika jamii halina budi kujiepusha na kila aina ya kiburi. Pasiwe
na namna yeyote ile ya kujiona kuwa wao ni bora kuliko wengine
wala wasijivunie mafaniko yoyote watakayopata.
104