Download - islamic education panel

Hali kadhalika, kundi la Harakati nalo halina budi
kujiepusha na ria kwa kuhakikisha kuwa linayafanya hadharani
mambo yale tu ambayo ni lazima kudhihirishwa kwa watu.
Shughuli nyingine zote za kundi zifanyiwe faraghani. Hata yale ya
hadharani, kundi la Harakati lijitahidi kutafuta namna ya kujificha
na lijitahidi kutokana na tabia ya kuumuka na kufanya kazi kwa
bidii linaposifiwa na lenye kukata tamaa na kuzorota
linapolaumiwa na kutukanwa. Kundi la Harakati lililosalimika na
ria huwa na Msimamo mmoja nyakati zote likiwa limesifiwa au
limeshutumiwa.
8. Kuwa na Subira.
Kama tulivyoona kwa Mwanaharakati binafsi, Kundi la
Harakati nalo linawajibika kuwa na subira kwa:
(i) Kutokuwa na haraka katika kutoa maamuzi. Maamuzi
yatolewe baada ya kuliangalia jambo kwa kina na
kupata ushauri wa kutosha.
(ii) Kutokuwa na haraka katika kupata mafanikio ya
harakati. Ni kazi inayohusu mabadiliko ya jamii
ambayo kwa kawaida yake hayapatikani kwa muda
mfupi. Nabii Nuhu (a.s) alilingania watu wake kwa
muda wa miaka 950, bila kufikia lengo lililokusudiwa
la kusimamisha Uislamu katika jamii yake. Nabii Musa
aliandaliwa kuwakomboa Bani Israil na udhalimu wa
Fir aun tangu akiwa mimbani.
(iii) Kubakia na msimamo bila ya kuyumbishwa na hila na
vitimbwi vya maadui.
(iv) Kuwa tayari kupambana na magumu mbali mbali kwa
kurejea aya zifuatazo: (2:214), (3:142), (29:2-3) na
(33:23).
(v) Kuvumilia maudhi ya kila namna kutoka kwa maadui
wa Uislamu.
(vi) Kusubiri juu ya misukosuko ya kawaida itakayolifika
kundi na wanakundi.
107