Download - islamic education panel

kuuliwa kwa sababu ya baadhi ya watu kujiona kuwa kwa asili yao
wao ni bora na hivyo watumikiwe.
Shetani akishafanikiwa kupandikiza fikra hizi miongoni mwa
Waislamu basi hata kama watakuwa wengi vipi wingi wao utakuwa
si hoja. Chuki, uadui na uhasama miongoni mwao havitakwisha na
katu hawatakuwa na nguvu wala umoja. Waislamu wa rangi hii
watawadharau Waislamu wenzao wa rangi nyingine, au kabila
jingine au nchi nyingine.
Na kwa kutumia hizo hisia za utaifa Waislamu wa nchi moja
wanaweza kuchochewa na kujikuta wanawaua Waislamu wenzao.
Hivyo kila Muislamu na ajihadhari sana na mwenendo huu wa
shetani wa kujiona bora kwa sababu ya rangi, kabila, utaifa, n.k.
Pili, Shetani amepewa na Allah (s.w) muda wa kuishi hadi
siku ya Kiyama.
Na katika kipindi hicho amekula kiapo kuwa atafanya kila
hila ya kumpotosha binaadamu ili aonyeshe kuwa binaadamu hana
utukufu wowote, na kwamba nimwasi na hana shukrani kama
alivyo yeye.
Tatu,Mtu kuona aibu na haya ni katika maumbile ya
binaadamu. Hisia hizi hujidhihirisha kwa mara ya kwanza mtu
anapoona haya kuonesha sehemu zake za siri kwa mtu mwingine.
Hivyo mbinu mojawapo ya shetani ni kuwaondolea watu haya,
hadi waone ni jambo la kawaida na la maendeleo kukaa uchi
hadharani na hata kufanya machafu hadharani.
Nne,Udhaifu mkubwa kuliko mwingine wowote alionao
binaadamu ni ile silka yake yakutamani ngono na udhaifu huu ndio
silaha kubwa anayoitumia Shetani katika kuwaangamiza. Hivyo
hila ya kwanza ni ya kuwaondolea binaadamu haya na
kuwashawishi watembee uchi. Hilo likishatimia jamii hiyo
165