Download - islamic education panel

“...........Na Allah (s.w) atosha kuwa shahidi” ina maana
kubwa mbili:
Kwanza, Allah (s.w) anashuhudia kuwa Mtume wake
alifikia lengo la kuletwa kwake baada ya miaka 23 ya kazi ngumu.
Tukirejea historia, ushuhuda huu anautoa Allah (s.w) pale Mtume
(s.a.w) na kundi lake la waumini walipowashinda maadui zao wote,
ikiwemo dola ya Kirumi iliyokuwa “Super power” ya nyakati
hizo. Maadui wengine walikuwa Mayahudi, Wanafiki, Makafiri wa
Kiquraish na Makabila mengine ya Waarabu. Maadui wote hawa
walikatishwa tamaa na nguvu ya Dola ya Kiislamu, kama Allah
(s.w) alivyombainishia Mtume wake, alipokuwa Arafa katika Hija
ya kuaga (Hijjatul-Wadaa) 9Dhul Hija 10A.H, kuwa:
“…. Leo waliokufuru wamekata tamaa katika Dini yenu, basi
msiwaogope, bali niogopeni Mimi. Leo nimekukamilishieni Dini
yenu, na kukutimizieni neema yangu, na nimekupendeleeni Uislamu
uwe Dini yenu ….” (5:3).
Aya hii inatoa ushahidi wa wazi kuwa Uislamu ulikuwa juu ya
mifumo yote ya maisha ya jamii wakati wa Mtume (s.a.w).
Pili, Allah (s.w) pia anashuhudia kuwa wakati wowote
Waislamu watakapoamua kusimamisha Uislamu katika jamii yao
kwa kufuata baraabara mwenendo wa Mtume (s.a.w) na
maswahaba zake, wataweza kusimamisha Uislamu katika jamii
kama Allah (s.w) anavyoahidi katika aya ifuatayo:
2