Download - islamic education panel

Na (Mwenyezi Mungu) akamfundisha (Nabii) Adam majina ya vitu vyote,
kisha Akaviweka mbele ya Malaika, na Akasema (kuwaambia Malaika):
“Niambieni majina ya vitu hivi ikiwa mnasema kweli (kuwa nyinyi ndio
wajuzi wa mambo)”. Wakasema (Malaika): “Utakatifu ni Wako! Hatuna
ilimu isipokuwa ile Uliyotufundisha; bila shaka Wewe ndiye Mjuzi na
ndiye Mwenye hikima.” Akasema (Mwenyezi Mungu): “Ewe Adam!
Waambie majina yake”. Alipowaambia majina yake alisema (Mwenyezi
Mungu): “Sikukwambieni kwamba Mimi ninajua siri za mbinguni na za
ardhi; tena najua mnayoyadhihirisha na mliyokuwa mnayaficha?” Na
(wakumbushe watu khabari hii): Tulipowaambia Malaika: “Msujudieni
Adam;” (yaani mwadhimisheni kwa ile ilimu yake aliyopewa).
Wakamsujudia wote isipokuwa Iblis, akakataa na akajivuna; na (tokea
hapo) alikuwa katika makafiri” (2:31-34).
Mbinu za kumuandaa Khalifa
Zipo mbinu kadhaa za kuwaandaa wanafunzi Waislamu wainukie
kuwa Makhalifa wa Allah (s.w) (watawala wa jamii kwa niaba ya Allah (s.w)).
Baadhi ya mbinu hizo ni hizi zifuatazo:
(i) Kuliweka bayana lengo la Elimu.
(ii) Kutumia lugha nyepesi inayofahamika kwa mwanafunzi.
(iii) Kufafanua somo/mada kwa Aya na Hadith.
(iv) Kutoa na kutumia mifano na vielelezo vya Kiislamu.
(v) Kuleta Mazingatio ya Allah (s.w) kupitia mada mbali mbali za
elimu ya mazingira.
(vi) Kukosoa nadharia potofu.
210