Download - islamic education panel

mambo. Na ufungapo nia mtegemee Mwenyezi Mungu tu
(ufanye hilo uliloazimia). Hakika Mwenyezi Mungu
anawapenda wamtegemeao. (3:159).
Katika aya hii tunajifunza kuwa kiongozi wa Kiislamu
anatakiwa awe mpole na laini mwenye huruma na upendo kwa
wale anaowaongoza na awe ni mwenye kushauriana nao katika
kuendesha mambo. Pia tunajifunza katika aya hii kuwa Waislamu
wanapoazimia kufanya jambo baada ya kushauriana, wasizembee
wala kusita bali walitekeleze mara moja huku wakimtegemea
Mwenyezi Mungu.
Pia tunajifunza katika Qur-an kuwa watakaofuzu na
kustahiki malipo mema ya akhera ni pamoja na wale
wanaoshauriana katika kuendesha mambo yao ya kheri:
Basi vyote hivi mlivyopewa ni starehe ya maisha ya dunia tu,
lakini kilichoko kwa Mwenyezi Mungu ni bora na cha
kudumu(milele). Watakistahiki wale walioamini na wakawa
wanamtegemea Mola wao. Na wale wanaojiepusha na
madhambi makubwa na mambo mabaya, na wale ambao
wanapokasirika husamehe.
Na wale waliomuitikia Mola wao (kwa kila amri zake) na
wakasimamisha Sala, na wanashauriana katika mambo yao
na wanatoa katika yale tuliyowaruzuku.(42:36:38)
100