Download - islamic education panel

“Wale ambao tukiwamakinisha (tukiwapa mamlaka) katika
ardhi husimamisha swala na wakatoa zaka na wakaamrisha
yaliyo mema na wakakataza yaliyo mabaya. Na marejeo ya
mambo ni kwa Mwenyezi Mungu.” (22:41).
Jamii ya Kiislamu imekuwa bora mbele ya Allah (s.w.) kuliko
jamii nyingine kwa sababu ya kuiweka jamii katika hali ya utulivu
na amani kwa kuamrisha mema na kukataza maovu.
......................
“Nyinyi ndio umma bora kuliko umma zote
zilizodhihirishiwa watu (Ulimwenguni) - mnaamrisha yaliyo
mema na mnakataza yaliyo maovu, na mnamuamini
Mwenyezi Mungu .... “ (3: 110)
Waumini, hata kama hawajafikia uwezo wa kuwa na Dola ya
Kiislamu, hawanabudi kuamrisha mema na kukataza maovu kwa
kadiri ya uwezo wao. Mtume (s.a.w.) amesisitiza hili katika Hadith
zifuatazo:
Abu Said Al-Khudri (r.a) ameeleza kuwa Mtume wa Allah
amesema: “Yeyote miongoni mwenu atakayeona jambo ovu
na aliondoe kwa mkono wake, kama hawezi (kuliondoa kwa
mkono) na aliondoe kwa ulimi na kama hawezi kuliondoa
kwa ulimi na achukie moyoni mwake na huku kuchukia kwa
moyo tu ni kiwango cha chini cha imani.” (Muslimu)
24