Download - islamic education panel

Kusoma Qur’an kwa Mazingatio.
Kusoma Qur’an kwa mazingatio ni faradhi ya tatu aliyopewa
Mtume (s.a.w) (na kwahiyo Waislamu wote) baada ya faradhi ya
kusoma kwa ajili ya Allah(s.w) na kisimamo cha Usiku
(Qiyamullayl).
“Ewe uliyejifunika maguo! Simama usiku (kucha kufanya ibada);
ila muda mdogo (tu hivi). Nusu yake au ipunguze kidogo. Au
izidishe – na soma Qur’an vilivyo” (73:1-4).
Kusoma Qur’an kwa mazingatio ni kusoma Qur’an kwa
kuzingatia ujumbe utokanao kwa lengo la kuutekeleza vilivyo
katika maisha ya kila siku. Wale wanaosoma aya za Qur’an bila ya
kuzizingatia na kuziingiza katika utendaji Allah (s.w)
anawalinganisha na punda (Qur’an (62:5)); mbwa (Qur’an (7:175-
176)) na wanyama kwa ujumla (Qur’an: 7:179). Kinyume chake,
Allah (s.w) anawapenda wale ambao wanaposoma au
kukumbushwa aya za Qur’an, hawaziangukii kwa uziwi na upofu
(Qur’an: 25:73). Pia miongoni mwa sifa za waumini ni wale ambao
wanaposomewa aya za Allah huwazidishia Imani(Qur’an8:2-4)
Kwa muhtasari ili tuweze kuongozwa na Qur’an pamoja na
kuzingatia hukumu za usomaji hatunabudi kufanya yafuatayo:
(a) Kuwa na yakini kuwa Qur’an ni ujumbe usio na shaka
kutoka kwa Allah (s.w) (Qur’an 2:2).
(b) Kuisoma kwa mazingatio na kujitahidi kupata ujumbe
unaotokana na kila aya.
(c) Ili kupata ujumbe wa kila aya au kila Sura ya Qur’an ni
wajibu wetu kusoma tafsiri na sherehe za wanazuoni
mbali mbali waliojitahidi kutafsiri Qur’an katika lugha
tunayoimudu. Qur’an imetafsiriwa katika lugha mbali
mbali zikiwepo Kiswahili na Kiingereza.
206