Fester Grund christlicher Lehre. Ein Hilfsbuch zum ... - Licht und Recht
Fester Grund christlicher Lehre. Ein Hilfsbuch zum ... - Licht und Recht
Fester Grund christlicher Lehre. Ein Hilfsbuch zum ... - Licht und Recht
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
264 Die <strong>Lehre</strong> vom heiligen Abendmahls nach dem Heidelberger Katechismus.<br />
1. Alterum noui Testamenti Sacramentum appellatur Coena Domini: non quod vespertino seu<br />
Coenae tempore in Ecclesia celebrari illud oporteat, sed quòd à Christo in Coena quam cum discipulis<br />
ante mortem habuit postremam instituta sit. Mensa Domini: quia Christus in ea nos pascit. Sacramentum<br />
corporis et sanguinis Christi: quia haec nobis in eo communicantur. Eucharistia, quia in<br />
ea pro morte et beneficiis eius Christo solennes aguntur gratiae. Synaxis, quia in congressibus Ecclesiae<br />
celebrari debet. Nominatur etiam apud veteres Sacrificium, quia est sacrificii propitiatorii a<br />
Christo in cruce peracti representatio, et pro eo gratiarum actio seu sacrificium Eucharisticum. Est<br />
et tertia ratio: quia veteres ipsi solebant conferre panem: ideo docebantur offerre, id est conferre.<br />
2. Coena Domini est Sacramentum noui Testamenti, in quo, ex mandato Christi, panis et vinum<br />
in coetu fidelium distribuitur et sumitur ad Christi recordationem, hoc est, vt Christus nobis testetur<br />
se corpore et sanguine suo pro nobis tradito et fuso nos ad vitam aeternam pascere: et nos illi pro his<br />
beneficiis solennes gratias agamus.<br />
3. Finis sive vsus Coenae Dominicae primus et principalis est, vt Christus nobis testetur se pro<br />
nobis esse mortuum, et suo sanguine et corpore pascere nos ad vitam aeternam, vt hac testificatione<br />
fidem nostram ac proinde pastum hunc spiritualem in nobis foueat et augeat. 2. Sec<strong>und</strong>us est gratiarum<br />
actio pro his beneficiis Christi, eorumque, et nostri erga Christum officii, publica et solennis<br />
professio. 3. Est distinctio Ecclesiae ab aliis sectis. 4. Vt sit vinculum dilectionis mutuae. 5. Vt sit<br />
vinculum congressuum.<br />
4. Primum illum vsum, qui est fidei nostrae in Christum cofirmatio, inde habet Coena Domini,<br />
quia Christus ipse hunc panem et potum per manus ministrorum porrigit in sui memoriam, hoc est<br />
vt nos hoc symbolo tanquam visibili verbo admoneat se pro nobis esse mortuum, et se esse nobis cibum<br />
vitae aeternae, dum nos sua membra facit: et quia promissionem huic ritui addidit, se edentes<br />
hunc panem in sui memoriam velle suo corpore et sanguine pascere, cùm dixit Hoc est corpus<br />
meum: et quia Spiritus sanctus per hoc visibile testimonium animos et corda mouet ad firmius credendum<br />
promissioni Euangelicae.<br />
5. Est ergo in Coena Domini duplex cibus et potus: externus, visibilis, terrenus, videlicet panis et<br />
vinum: et internus. Duplex item manducatio et sumptio: externa significans, quae est sumptio panis<br />
et vini corporalis, hoc est quae manibus, ore et sensibus corporis peragitur: et interna, inuisibilis et<br />
significata, quae est fruitio mortis Christi, et in Christi corpus insitio spiritualis, hoc est, quae non<br />
manibus et ore corporis, sed Spiritu et fide peragitur. Duplex denique administer huius cibi et potus:<br />
Externus externi, qui est minister Ecclesiae manu sua praebens nobis panem et vinum: Internus interni,<br />
qui est ipse Christus corpore et sanguine suo nos pascens.<br />
6. Non corpus et sanguis Christi, sed panis et vinum sunt symbola quae fidei nostrae confirmandae<br />
seruiunt: corpus enim et sanguis Christi sumuntur vt vivamus in aeternum. Panis autem et vinum<br />
sumuntur vt de illa coelesti alimonia confirmemur, et magis magisque ea fruamur.<br />
7. Neque panis mutatur in corpus Christi, neque vinum in sanguinem Christi: nec illis abolitis<br />
succedunt in locum eorum corpus et sanguis Christi: neque inpane, aut sub pane, aut vbi panis est<br />
substantialiter praesens, est Corpus Christi. Sed in legitimo vsu Coenae Domini Spiritus sanctus hoc<br />
symbolo vtitur tanquam instrumento ad excitandam in nobis fidem, per quam ipse magis magisque<br />
in nobis habitat, nos Christo inserit, et facit vt propter ipsum iusti simus, et ex eo hauriamus vitam<br />
aeternam.<br />
8. Cum autem Christus dicit hoc, id est hic panis est corpus meum, et hoc poculum est sanguis<br />
meus, locutio est Sacramentalis seu metonymica, qua symbolo tribuitur nomen rei significatae: id<br />
est, docetur panem esse sacramentu seu symbolum corporis, eum representare, et testari corpus