Fester Grund christlicher Lehre. Ein Hilfsbuch zum ... - Licht und Recht

Die Lehre vom heiligen Abendmahls nach dem Heidelberger Katechismus. 265
Christi pro nobis oblatum in cruce, et nobis in cibum vitae aeternae datum, ac proinde instrumentum
esse Spiritus sancti ad hunc pastum in nobis conseruandum et augendum, vt Paulus ait, 1. Cor. 10.
Panis est communio corporis Christi, id est ea res per quam participes reddimur corporis Christi: et
alibi, Omnes vna potione potati sumus in vnum Spiritum. Eadem sententia est cùm dicitur, panem
vocari corpus Christi per similitudinem rei significatae cum signo, quòd videlicet corpus Christi alit
vitam spiritualem, sicut panis corporalem: et propter certò coniunctam perceptionem rei et signi in
legitimo Sacramenti vsu. Atque haec est Sacramentalis vnio panis et corporis Christi, quae per locutionem
Sacramentalem indicatur: non autem illa secundum locum coniunctio, quae à quibusdam
fingitur.
9. Vt igitur corpus Christi est et proprium, et Sacramentale quod est panis eucharisticus: sic manducatio
Corporis Christi duplex est: Sacramentalis symboli videlicet panis et vini externa et corporalis
sumptio: et realis seu Spiritualis, quae est ipsius corporis Christi. Et credere in Christum fide in
nobis habitantem est vi Spiritus Sancti inseri ipsius corpori tanquam capiti membra et viti palmites:
atque ita fruetus mortis et vitae Christi fieri participes. Vnde patet falsò accusari sic docentes, quòd
in Coena Domini vel nuda signa constituant, vel solius mortis Christi, aut beneficiorum eius, aut
Spiritus Sancti partieipationem, exclusa vera reali et spirituali ipsius corporis Christi communione.
10. Vsus autem Coenae legitimus est quando fideles ritum hunc Christo institutum seruant ad ipsius
memoriam: hoc est, ad fidem et gratitudinem suam excitandam.
11. Sicut in hoc vsu corpus Christi sacramentaliter et realiter editur: ita et extra hunc vsum, vtpote
ab infidelibus et hypocritis Sacramentaliter quidem, sed non realiter editur: hoc est, symbola quidem
seu signa sacramentalia, panis et vinum, non autem ipsae res Sacramenti, Christi videlicet corpus
et sanguis percipiuntur.
12. Doctrina haec de Coena Domini plurimis firmissimisque argumentis nititur. Hanc confirmant
omnia loca Scripturae quae de Coena Domini loquuntur. Et Christus non aliquid inuisibile in pane,
sed illum ipsum visibilem et fractum panem vocans corpus suum pro nobis traditum seu fractum:
quod cùm propriè intelligi non possit, addit ipse declarationem, panem illum velle in sui memoriam
sumi, quod perinde est ac si dixisset Panem sui corporis esse Sacramentum. Item, Coenam dicit esse
novum Testamentum, quod spirituale, vnum, et aeternum sit. Et Paulus dicit esse κοινωνίαν corporis
et sanguinis Christi, quia omnes fideles sunt vnum corpus in Christo, qui cum daemoniorum
κοινωνίᾳ non potest consistere. Item, eandem in corpus Christi insitionem per vnum Spiritum in
Baptismo et Coena sacra constituit. Confirmat eam tota doctrina et natura Sacramentorum, quae
omnia eandem Christi communionem Spiritualem per fidem accipiendam subiiciunt oculis, quam
verbum seu promissio Euangelii auribus nuntiat. Propterea rerum significatarum nominibus appellantur,
nec ipsi in legitimo vsu, rerum perceptionem adiunctam habent. Confirmant eam articuli fidei
qui docent Christi corpus esse verè humanum, non simul in pluribus locis praesens: iam in coelum
sublatum, et ibi mansurum donec redeat Dominus ad iudicium: Communionem Sanctorum
cum Christo fieri per Spiritum Sanctum, non per ingressum corporis Christi in corpora hoininum:
idcirco hanc sententiam tota purior Ecclesiae antiquitas maximo et manifestissimo consensu profitetur.
13. Differt à Baptismo Coena Domini, 1. Ritu et significandt modo, quia mersio significat remissionem
et expurgationem peccati per sanguinem et Spiritum Christi, et societatem afflictionum et
glorificationis Christi. Distributio autem panis et vini significat mortem Christi nobis ad remissionem
peccatorum imputari, et nos Christo insitos membra eius fieri. 2. Vsu speciali, quòd Baptismus
est testimonium regenerationis, initi foederis cum Deo, et receptionis in Ecelesiam. Coena Domini
autem testatur, nos perpetuo nutriendos esse Christo in nobis manente semperque ratum fore nobis