Mémoires 1858 Tome 10 - Ouvrages anciens sur Saint-Omer (Pas ...

— 7 —
au contraire luy faut proposer toutes choses pour la rendre
meilleure, pour causo que de soy-mesme [le poeuple] est
assez indevotieux et mal affecté aux églises, sans le laisser
plus longtemps s'endurcir et aliéner de la religion (1) et honnesteté
de vie digne de la profession chrestienne, à quoy les
mistères et doctrines de Dieu poeuvent vrayement pourveoir
[plus que nulles autres choses].
DE EDIFFIER UNE ÉGLISE ET POURVEOIR AUX CHOSES
DIVINES.
Chap. 3.
Sa Majesté doncques pour mettre ordre au premier point
qui est de la religion aura à faire incontinent designer et limiter
audit Hesdinfert le lieu (si jà faict n'est) propice, si
comme vers le meillieu de la ville, pour à la première opportunité
pouvoir ériger un temple et église paroichiale qui soit
spacieuse et capable du nombre do poeuple qui pourra demeurer
en la dicte ville, lequel temple avec le temps conviendra
orner tant en ediffices que aultrement, selon la puissance
dudict poeuple, qui fera le dcbvoir de conférer quelques
aulmosnes à l'achefvement d'iceluy. Cependant pour ne
laisser (comme dict est), la multitude des gens de guerre
estans illecq en garnison et aultres habitans sans église (2),
est besoing d'avoir quelque edifflee legierement faict sur le
lieu ou se mectra chy après le principal temple, affln que
journellement le poeuple y puist convenir pour oyr le sainct
service divin et où luy seront administrez les sacrements et
ce pour ne donner occasion que les personnes résidents en
iceluy fort oublient avec l'inlermission des prières quotidianes
la crainte de Dieu, qui donnerait la principalle occasion
aux subjects d'estre plus rebelles et desobeissans aux
supérieurs, car il n'est riens plus véritable que ou le poeuple
a mis en nonchaloir la crainte et révérence de Dieu, du hïesme
(1) La dévotion (b.)
(2) (Doubtont que la dévotion no se passe en eulx et que peu a peu
ne seremene (?) en nonchalloir). (Note biffée.)