Mémoires 1858 Tome 10 - Ouvrages anciens sur Saint-Omer (Pas ...

— 22 —
bien et fidèlement verser en leurs dictes charges et offices, et
aux hommes de fiefz faire la foy et hommaige qu'ils doibvent
à Sa Majesté leur souverain seigneur et prince naturel , lesquels
serments seront enregistrez; si aura ladicte court congnoissance
de toutes matières civilles et criminelles comme
du passé. Ordonnant aussy à iceulx hommes de servir à tour
de rolle aux plaidz ou mectre hommes deservans pour ceulx
qui ny pourront bonnement vaghuer, et mesmement à ceulx
qui auront seigneurie de commectre lieutenans et aultres
officiers et mestres et destroicts de leur juridiction, à peine
de privation de leur justice soit haulte, moienne ou basse, et
ce à celle fin que par le moyen de la justice le plat pays puist
vivre en plus grande tranquillité et union , sans laquelle n'y
poeult avoir seureté ny repos ung seul jour.
DE LA CRÉATION DU MAGISTRAT DEDENS LADICTE VILLE.
[DE L'ORDRE SUR LE MARCHIÉ ET DU PRINCIPAL
MESTIER QUI S'ï POURRA FAIRE.]
Chdp, 10.
Pareillement à la première opportunité que se trouvera sy
tost que l'on voira la multitude du poeuple croistre et la
chose le désirer se pourront restituer les estats de maieur et
eschevins avec le nombre d'officiers de ladicte ville en la
manière ancienne, es mains desquels les citoiens (1) seront
tenus prester le serment de bourgeoisie accoustumé, oultre
le serment qu'ils auront faict pardevant le capitaine de ladicte
ville ou nom de l'Empereur qui se doibt prendre publiquement
h ce commencement; lesquels maieurs et eschevins
soubs l'auctorité dudict gouverneur qui sera le supérieur de
tout auront la jurisdiction par] dedens la compréhension de
ladicte ville, faulbourgs et banlieue d'icelle, qui seront limitez
d'une demie lieue allentour de ladicte ville, plus ou moins,
selon qu'il sera trouvé convenir pour exercer icelle jurisdiction
en telle haulteur, droict et auctorité qu'ils soloient faire
le temps précèdent audict Hesdin le Viel, sy prendront regard
(1) Citadins (b.)