Mémoires 1858 Tome 10 - Ouvrages anciens sur Saint-Omer (Pas ...

— 377 —
libertez a eulx octroyées et consenties par l'empereur nostre sire
et ceulx de très digne mémoire messieurs ses predicesseurs contes
et contesses d'Arthois, et que à faire icelluy don lesdits sieurs
Doyen et Chapitre n'estoyent auchunement capables ne submis vers
ladite ville, mais est seulement procédé de leur bon grey et vollunté.
En tesmoing de ce nous avons mis et faict mettre à ces présentes
lettres les seaulx aux causes tant du bailliaige comme de la
ville et escbevinage d'Ayre, qui furent faictes et de nous données le
vingt-deuxiesme jour de mars l'an mil cincq cens trente et quatre.
N° 35.
fCollectanea, folio %l.J
JOYEUSE ENTRÉE DE CHARLES-QUINT A AIRE, EN 1540.
Partant de Gand (l'Empereur) vint à Bruges, et de là Ypre, puis
en la ville de Saint Aumer, où arriva le xvj jour du mois de nor
vembre audit an 1540. Et le jeudy ensuivant xviij dudit mois, partant
d'icelle ville, alla faire sa joyeuse entrée en sa ville d'Aire, où
arriva à trois heures après midy, y estant receu en toute honneur
et magnificence; où trouva à la porte d'icelle le colliege de l'église
de Saint Pierre en ordre processionalle, acompaignez des s r * de la
loy d'icelle ville, quy, après avoir fait la révérence audit s r , lui présentèrent
ung poisle de damas noir à porter dessus luy, ce qu'il
tollera assez facilement; et fut ainsy conduit jusques à ladite église
dé Saint Pierre, où après avoir fait se3 oraisons et estre chanté le
joieux cantique de Te Deum, se retira en son logis dit la Salle. Or
jasoice que ladite Majesté eust du passé visité la ville de Saint
Orner, Arras et autres de son pays d'Artois, sy n'avoit^elle entré en
ladite ville d'Aire, au moien de quoy luy fut faite plus solempnelle
réception que en aucune autre.
{Extrait du troisième volume des Chroniques de Louis
BresinJ