Mémoires 1858 Tome 10 - Ouvrages anciens sur Saint-Omer (Pas ...

— 82 —
MESSIEURS LIEUTENANT DE MAYEUR ET ESCHEVINS DE LA
VILLE DE SAI.NCT-OMER.
Messieurs, dernièrement quant partis de S'-Omev, ne vous
advisay point la cause quy est que par le commandement de
Monseigneur le conte du Rœux, eulx cherge amener quelque
pouldre et farynes en le lieu de Renty et me tenir ichy jusques
qu'il me mandera aultres nouvelles. Parquoy vous prye puis
que c'est le commandement du maistre me tenir pour excusé
de se que ne puis pour cest heure vaquier aulx affaires de la
ville, ou, j'espère y retourner de brief, car, je pense que nos
ennemys se fâcheront de tenir camp par se tamps ichi. Je eulx
le jour d'hier nouvelles de Hesdin comment il ne sont encorres
bougiet de fdlièvres et pense qu'il délibèrent à quoi il emploieront
leurs forches, car le tamps a diverty beaucoup de leur
propossition. Nostre camp lequel se va se mestre sus, et sera
demain ou après au champs, qui sera cause mestre de liane
au vin des Franchois. Mant, -Messieurs, aprez vous avoir
recommandé affectueusement faire bon ghiet durant mon absenche
et vous prier avoir de voz nouvelles s'il y a quelque
chose d'importansse qu'il surviengne, prieray le créateur qu'il
vous doint sa grache, me recommandant tousiours de bien bon
cœur à icelle.
De Renty se IX' de décembre.
Vostre prest vous faire plaisir et amistié.
F. DE COCHI.
Page 68, ligne 12, en note.
MES TRÈS CHIERS ET BONS AMIS LES MAIEURS ET ESCHEVINS
DE LA VILLE DE S'-OLIER.
Très chiers et bons amis, suyvant ce que vous avez escript,
je vous prie que à toute diligence vous m'envoiez le reste de
tous les bouletz qui sont à S'-Omer servant aux pièces d'artillerye
que j'ay icy, car pour le service de l'Empereur est besoing
les avoir soxidainement. Et lez envoyez droit à Renty, duquel