Mémoires 1858 Tome 10 - Ouvrages anciens sur Saint-Omer (Pas ...

— 360 —
li devant dit Doyen et Capitle envoyèrent Jehan de Varennes, leur
concanoine et procureur sur chou suffisamment fondé de par eaulx,
par devers maistre Jehan de Dighon, archidiacre de Langres, et
adonc gouverneur de la contée d'Arthois, à luy supplyer de par les
dessusdits Doyen et Capitle que leditte exécution il fist cesser
comme tenu ni fuissent, si comme ilz disoient, à contribuer à le
réfection desdites forteresses. Et tant fut la cose démenée que, de
l'assentement monsieur le gouverneur dessusdit et aussi du procureur
de loditte Eglise, il en demora en l'ordonnance de monsieur le
gouverneur dessusdit et monsieur Aymorï Vatier, chantre de Theroane
et chanoine de leditte Eglise d'Ayre, qui eurenl certain jour
à leur ordonnance pronuncier. Liquel temps durant ordonnèrent
que pour mielx fait que laissiet, et aussy pour leditte exécution
cesser, et de pure grâce, leditte Eglise donnast à monsieur le duc,
en l'aide de le réfection de ses fossés qu'il a en toute laditte ville
d'Ayre, L livres parisis. Et chou ordonné et prononciet au procureur
de leditte église, et luy revenu kerkiet des dessusdits doyen et
Capitle, et pour le très grand amour et affection qu'ilz ont audit
monsieur le duc et à ses besongnes et voelent avoir en tous temps
et on tous cas, li procureur dessusdit el nom des dessusdits Doyen
et Capitle et de toute leur Eglize agréa et accorda laditte ordonnance,
en protestant que leditte exécution, li compromis, li assentemens
de gréer l'ordonnance dessusditte, li dons ne li payemens
desdittesL livres ne porche ne puist porter à eaulx ne à leur Eglize
dommaige ne préjudice el temps avenir. Lesqueles L livres nous,
Gilles, sires de Bleti avant nommez, connissons avoir eu et receu
dudit procureur, et el nom de leditte Eglize, et en quittons lesdis
Doyen ot Capitle, leurditte Eglise et tous ciaulx à qui quictance en
doibt ou peult apertenir. Et asquelles protestations faictes ou non
de leditte Egliso par leur procureur dessusdit nous recepvons ledit
procureur, et avecq ce volons et agréons que chose que ayt esté
faict en le poursieute de.ïdits L livres ne leur puist porter dommaige
ne préjudice el temps avenir, nient plus que se oncques
n'euist esté faict en quelque manière que ce soit. Et est assçavoir
que à le requeste dudit procureur nous retenons des gros fruicts de
le prébende qui fut messire Henry Dauchy, dont débats est ores en
tre messires Jehan Surdignon et messires Jehan Tempes, XXXV S.
sur le terme de le candelier dernier passé, pour payer se quantité