Mémoires 1858 Tome 10 - Ouvrages anciens sur Saint-Omer (Pas ...

— 10 —
ydoines et ornez de toutes vertus et choses requises à leurs
dits offices,;, qu'ils soient de bonne vie, modeste conversation,
et de littérature suffisante, vigilans sur leur trouppeau et
irrépréhensibles, affin que leur vie ne puist moins preschier
que leur parolle ; [aussy qui soient natifs des pais de Sa Majesté,
ses bons et loyaulx subjects.] Parqùoy, Sa dicte Majesté
debvera encharger l'ovesque diocésain de donner ordre en
ce regard et d'adviser du clergé qui y debvera estre. [Qui
aussy soit tel que le gouverneur do la place n'aye cause de
le suspecter.] En oultre conviendra ordonner certains concionnateurs
sacrez de la qualité et condition que dessus ,
soient de prestres séculiers ou religieux, lesquels à tour de
rolle, par chascun tour de dimence et festes avecq les qùaresmes
et advcns feront la prédication et qui rechepveront
en ayde du pasteur en temps opportun les confessions des
gens layz leur administrant consolations de l'esperit ; brief
feront toutes choses servantes pour instruction d'un poeuple
chrestien ; chose tant nécessaire pour tenir une multitude de
poeuplo en obéissance do Dieu, crainte de justice et mutuelle
charité et le revocquer de mal faire, que à grand peine en
pourroit-on penser une aultre de plus grande conséquence ;
qui plus est, -ung prince ou chief de ville quelque puissant
qu'il fust s'abuseroit du tout en tout s'il pensoit sans ce, régir
et conserver en prospérité, non seullement un poeuplo mais
aussy sa maison, comme dict est cy-dessus, ce qu'est répété
icy, parcequo plusieurs pourroient avoir aultre opinion, n'estimantz
que cela servit à la policie civille ny aux fortiffications
etseuretez des villes; mais la vérité des exemples nous
tesmoignent bien du contraire. [Sçavoir est que pour maintenir
ung poeuple, ville, pays ou royaulme, mesmemont une
maison princière en son office, il est besoing penser que la
religion ne se passe et que peu à peu ne vienne en nonchalloir
; car le plus grand signe que on puisse avoir de la perdition
d'un estât de pays, c'est quand Dieu s'y oublie et son
service (1).] Et au regard du traitement qui se pourroit faire
(1) Que la sollicitude des choses spirituelles est d'aultant plus
utile et nécessaire comme l'âme surpasse le corps (b.)