Euskal gramatika lehen urratsak. I - Euskaltzaindia

Euskal Gramatika. Lehen Urratsak-I
3.1.2.3.4. bera/berdin
Gaur egun nahasian erabiltzen diren bera eta berdin bereizi behar genituzke,
bakoitzak bere balio propioa baitu. Adibidez, erka ditzagun honako bi
perpausok:
(248) (a) Nere lehengusuaren eztaietara eraman nuen soineko berarekin joango naiz
zureetara ere
(b) Zure alabak eta nereak soineko berdina dute
Lehen adibidean soineko bakar batez ari gara; soineko bakar hori da bi bider
jantziko dudana. Bigarren adibidean, aldiz, bi dira eta bi horien arteko
erabateko antza, berdintasuna predikatzen dugu. Bigarren perpaus hau beste
modu batera esan nahi bagenu, honela egin genezake:
(249) Zure alabaren soinekoa. nere alabarena bezalakoa da
Beraz, bera-k behin baino gehiagotan errepikatzen den objetu, pertsona...
bakarra adierazten duo Berdin-ek ostera, objetu, pertsona... bat baino gehiago
izanik, beraien arteko erabateko antza. Honenbestez, ezin genezake esan
honako hau:
(250) *Bi amek haur bera izan dute
Nork berea izan baitu dudarik gabe; bi haur, beraz, danera. Bai, ordea,
beste hau:
(251) Biok plater bereúk jan dugu
(platera bakarra da eta biok plater horretatik jan dugu).
92
Era berean, emakume bakarra bada ezin dezakegu hau esan:
(252) *Joan den astean haratcgian aurkitu nuen cmakume berdina aurkitu dut gaur
kalean
Beste hau, aldiz, ongi legoke:
(253) Belarritako berdinak crosi dizkielC hiru ahizpci