Euskal gramatika lehen urratsak. I - Euskaltzaindia

Euskal Gramatika. Lehen UTTatsak-I
3. Bezala eta -Izal
Fonna jatorra -tzat erabiltzen duena izanik ere, gero eta zabaltzenago ari da
bezala, legez, gisa eta antzeko elementuez osatutako esapideren bat erabiltzeko
joera -tzat-en ordez. Horrela ez da harritzeko honako esaldiak entzutea:
(287) (a) *Sorgin bezala hartu zuten
(b) *Opari bezala bi liburu eman nizkion
Hauen ordez askoz zuzenago dirudite beste hauek:
(288) (a) Sorgintzat hartu zuten
(b) Oparitzat bi liburu eman nizkion
Hala ere, gauzak ez daude beti nahi bezain argi. Berez, bezala, legez, gisa
eta antzekoak erabiltzen ditugunean, modua edo zergatia adierazten dugu:
(289) Jonek Pello seme(a) bezala / gisa hartu du
perpausak esan nahi duena ez da Jonek Pello semetzat hartu duela, bere seme
egiteko nolabait, baizik eta Jonek Pello hartu duela -etxean adibidez- semea
hartuko lukeen modu berean.
Dena den, era honetako egiturak gero eta ugariagoak ditugu eta askotan ez
da erraz, halako esapide egin batzuetatik aparte -tzat erabili behar den jakitea ala
gisa edo bezala. Baina badirudi aipatu aditzekin behintzat askoz jatorrago
gertatzen direla prolatibozko itzuliak.
308