Achtung! Staatsgrenze Pozor! Dr`avna meja - Hauptschule Gamlitz

ghaßn, mit dem håmma hålt immer diskutiert. Er
håt gwußt, i bin sou und da aundare sou, er
hålt åls Nazi und i åls Våterländischer,
Österreicher hålt, mit an Wort gsågt. Und daunn
sågt er, um hålbazehne auf dNåcht: "Kumm
außi, i muaß da wås sågn." Draußn håt er gsågt:
"Du gib mir dås Ehrnwort". "Jå wiasou?" "Du
gib mir dås Ehrnwort, sunst kaunn i di nix
sågn." Håb i dås Ehrnwort gebn, daunn håt er
gsågt: "Du, i kumm jetzt gråd von ana streng
vertraulichen Sitzung von der NSDAP", dås haßt
von die Nazi hålt, "durt wurde beschlossn, dir
nåch Dachau zu schickn, und i waß, du håst
niemandem etwås getaun. I kennt nëit schlåfn",
håt er gsågt. Er is åber a ana von den Führern
gwëisn, er wår Ortsparteiführer. "Und wenn du
ein Wort davon jetzt sågst, gemma ålle zwa
aussi nåch Dachau. Du Michl", sågt er: "I bitt
di, schau, du tuast ma a mei Gwissn entlåstn.
Du, du bist und bleibst a Schwårzer, tua uns
bitte fia Nårrn håltn 1 , i kaunn dir sunst nicht
mehr hölfn, denk an die Eltern, denk an die
Geschwister. Wer waß, ob du nouch amål
zruckkummst. Und ich kann dir bestätign, du
wårst immer korrekt, håst niemanden varråtn,
nichts, gar nichts, du wårst immer a guater ... .
Wia ouft hättst du uns varråtn kennan? Mir
wärn eingsperrt wordn, du hast es nicht getan."
Der wår hålt a Mensch, hingegn aundare
wiederum wårn Sadistn. Nåchher håb i hålt "Heil