interpretatio latina - Notes du mont Royal

PROOEMIVM! 19
in quibus verbis falsarius a Tayloro non satis convictus tenetur in avroqxoQcp.
Nam statua Pindaro multo post erat posita, certe non ante
Olymp. 106, 4. quo tempore iam florebat Aeschines: nec dubito post
Aeschinem inclinatis iam Atheniensium rebus positam esse. Quippe
Pindari aetate statuas ponendi mos Athenis nondum pervulgatus: post
Solonem Harmodiumque et Aristogitonem primo constat Cononi esse
statuam positam (v. Oec. civ. Ath. T. I, p. 265.). Deinde signa omnia,
quae ad porticum regiam posita erant, recentiora fuere, Cononis, Timothei,
Euagorae, alia (cf. Pausan. I, 3.). Postremo rem conficit Isocrates
in oratione JVSQI cevtc8o6eo3g, quae Olymp. 106, 3. scripta est; in qua
orator honores Pindaro habitos de industria recenset, sed de statua ne
verbulum quidem dicit: quae si iam tum ante regiam porticum posita
fuisset, non potuisset reticeri. Haec de Atticis honoribus; quibus tamen
poeta non ita delinitus erat, quin ex quo Athenienses insurgere et
insolentius agere coeperunt, eos tectius vituperaret, praesertim Olymp. 80.
qua de re ad singulas odas dictum est. Sed Pindarum praeterea Argis
versatum esse, supra vidimus; atque eum etiam in Sicilia ftiisse apud
Hieronem^ idque Olymp. 77, 1. paucis monitum ad Olymp. I. introd. et
vs. 8 sqq. Videtur autem paulo ante hunc annum eo profectus esse,
ipso anno Olymp. 76, 4. Et praeter Theronem Agrigentinorum ±yrannum
eiusque fratrem Xenocratem et Thrasydaeum Theronis ac Thrasybulum
Xenocratis fllium Aleuadamque Thoracern, de quibus suis locis
dixi, coluit eum Alexandcr Amyntae rex Macedonum, qui'Solino auctore
Polyhist. c. 14. voluptati aurium indulgentissime deditus plurimos, qui
fidibus sciebant, in usum oblectamenti donis tenuit liberalibus: carminisque
Alexandro scripti extant reliquiae. Ex civitatibus non solum
Athenienses, verum etiam Aeginetae plurimum videntur Pindaro tribuisse,
quibus tot carmina scripsit, florentibus tum Aeginetarum rebus. Nec
praetermittendum Ceos, licet indigenis poetis Simonide etBacchylide claros,
Paeanem prosodiacum illi faciendum mandasse. De quo v. Tsthm. I.
Postremo quo melius Pindari tempora perspicerentur, duplicem apposui
indicem. Alter carmina exhibet vulgari ordine sibi succedentia:
quae quomodo digesta a veteribus essent, docui in Praef. Schol. T. II,
p. XI. quibuscum confer Prooemium Fragmentorum: nunc addo, Epinicia
a grammaticis ita adornata esse, ut in quoque genere primo loco
ponerentur eae odae, quibus curules vel equestres victoriae celebrantur,
ac deinceps eae, quae pugilibus, luctatoribus, pancratiastis, cursoribus
oblatae sunt: Pythia claudit carmen tibicini scriptum: Nemea tres aliae
odae non Nemeaeae. Inter Olympia cur ex equestribus curulibusque
odis ea, quae Hieroni scripta est, primo loco posita sit, docet Thomas
3 *