interpretatio latina - Notes du mont Royal

EXPLICATIONES AD PYTH. V. s95
tenditur; altera est a vs. 54. nsqne ad vs. 107. hinc tertia incipit, transitu facto versibus
103— 107. Frima pars fortunam Arcesilai exponit, idque ita, ut magnae eius
opes proponantur, deinde Pythia victoria, novissimum eximiae fortunae documentum,
uberius tractetur, quoniam haec odae scribendae occasionem praebuit; virtuti iunctas
. eas opes in Arcesilao esse etiam in hac parte aliquoties significatur, non data opera
explicatur. Secunda pars maiorum Arcesilai gentisque et patriae terfae decora potissima
Eroponit, quasi floribus gemmisque lucidissimis in coronam pulcherrimam connexis reusque
plurimis summa brevitate constrictis. Tertia pars speciatim in virtutibus Arcesilai
versatur. Et primum quidem in harum partium consecutione hoc aptissimum est,
quod ab Arcesilao incipitur et in Arcesilao desinitur: maiorum et patriae decora interposita
sunt. Deinde vide quomodo omnes tres partes in una cogitatione suam habeant
coniunctionem, quippe in ea, a qua poeta carmen exorsus est: Late potentes
apes sunt, siquis illas virtute temperatas fato dante comites habeat; prima enitn pars
ipsaxn opum praestantiam virtuti iunctarum docet; altera traditam a maioribus fato
fortunam exponit; tertia virtutem Arcesilai ipsam extoUit. Fer duas vero priores
partes deorum beneficio haec oontigisse monetur, qui quod fato constitutum est, praeoent;
hinc statim vs. 5. &(6fiof>ot est Arcesilaus et vs. 12. eiu» potentia Siot&oxoti
Castor et Apollo etiam victoriam dederunt; diis omnia deberi vs. 25. dicitur; Dorum,
Cyrenaeorum, Batti felicitaa Apollinis praesidio sata est. Fatum duxit Aegidas etiam
in Theram, quo non sine diis adduxerunt-sacra Apollinea (vs. 76.). Etiam tertiae
Jarti appendix addita est, quae divino dono Aroesilaum magnum esse significet et
eorum tntelam etiam in posterum tempus precetur. Quam apte praeterea a prima
{tarte ad alteram, ab altera ad tertiam transeatur, non opus est exponi. Sed singuae
etiam partes commodissime adornatae sunt: quod in sola secunda commonstrabo,
in qua potissima maiorum et patriae decora comprehensa esse dixi. Frimum enim
Batti dicitur fortuna variis bonis facultatem praebere: quae sententia deducit ad potentiam,
qua Apollo Battum instruxerit, ut Cyrenas conderet: deinde Dores commemorantur
Cyrenaeorum maiores, et ipsi ab Apolline firmiter constituti; qui nisi hoc
duce in Feloponnesum venissent, ne Cyrenae quidem conditae essent: inter Doricaa
civitates autem Lacedaemoni primus locus datus est, utpote aviae Cyrenaicae civitatia.
Nec Theraei omittuntur, a quibus deducti Cyrenarum coloni. Eo vero loco, ubi
de Sparta et Thera dicitur, ut quam carae sibi Cyrenae essent, et quanta earum etiam
Thebis auctoritas esset, declararet, etiam a Thebanis coli Cyrenaa poeta memoravit;
sed hoc quoque ita proposuit, ut Apollinis, cui Cyrenarum felicitas maxime debetur,
cultum venerandarum Thebi» Cyranarum occasionem praebere cerneretur. Sequitur
Antenoridarum memoria, insigne Cyreni» decus. Sed eorum meritis maior Batta pietas,
viri dum vivebat felicissimi, posthac herois: post hunc praedicantur ceteri reges,
deainitur in Arcesilao, ut ad tertiam transeatur paftem. Fostremo in rebus his tractandia
poeta ita versatus est, ut, ubicunque fieri posset, ea inspergeret, quae temporum
et locorum pompaeque Apollineae rationi accommodata essent; quod partim in introductione,
partim in interpretatione iam significavi. Quae omnia quum considero, nullum
carmen quam hoc ibi, ubi caneretur, magis placere potuisse iudico: et pro immensa
Findarici ingenii ubertate et profunditate tanta id rerum et sententiarum copia
in media potissimum parte refertum est, ut plura tam paucis verbis bene dici et
tam apte conmngi ab ullo poue desperem.