MGA TURO NG MGA PANGULO NG SIMBAHAN HAROLD B. LEE

KABANATA 11
tila iniisip na pinakamahalaga. Ngunit [ang templo] ay ang lugar
kung saan tayo umaakyat pataas at lampas sa usok at hamog ng
mga makalupang bagay na ito at natututuhan nating tahakin sa
pamamagitan ng mga walang hanggang bituin ng Diyos ang landas
na ligtas na aakay sa atin pauwi.” 1
Mga Turo ni Harold B. Lee
Anu-anong pagpapala ang matatanggap natin
sa bahay ng Panginoon?
Nagpupunta tayo [sa templo], tulad ng iniisip ko, upang tanggapin
ang kabuuan ng mga pagpapala ng Pagkasaserdote. . . .
Nagpupunta tayo sa Banal na Bahay na ito upang matuto, malaman
kung sino talaga ang Diyos, at kung paano makakamtan
ng bawat isa sa atin, para sa ating sarili, ang kadakilaan sa kanyang
kinaroroonan. ...
Dito natin sinisimulang ilatag ang batong pundasyon ng isang
walang hanggan at makalangit na tahanan, dahil nasa Simbahang
ito ang kapangyarihang magbuklod sa lupa upang iyon ay mabuklod
sa Langit. 2
Kahit paano’y kailangan nating maiparating ang katotohanang
iyan sa lahat ng ating mga tao, sa bata at matanda, na sa ating
mga banal na templo ang endowment sa templo ang tiyak na gabay
sa kaligayahan dito at sa buhay na walang hanggan sa daigdig
na darating. 3
Kapag pumasok kayo sa banal na templo, sa gayong landas ay
nagkakaroon kayo ng pakikipagkapatiran sa mga Banal sa walang
hanggang kaharian ng Diyos, kung saan walang hanggan ang panahon.
Sa mga templo ng inyong Diyos kayo’y pinagkalooban
hindi ng marangyang pamana ng mga kayamanan ng daigdig,
kundi ng kasaganaan ng mga walang hanggang kayamanan na dimatutumbasan
ang halaga.
Ang mga seremonya sa templo ay nilayon ng matalinong Ama
sa Langit na naghayag ng mga ito sa atin sa mga huling araw na
ito bilang gabay at proteksiyon sa buong buhay natin, upang
ikaw at ako ay hindi mabigo na magkamit ng kadakilaan sa kahariang
selestiyal, kung saan ang Diyos at si Cristo ay nananahanan.
118