MGA TURO NG MGA PANGULO NG SIMBAHAN HAROLD B. LEE

KABANATA 14
siyang humanap ng mga paraan upang makapaglingkod sa bawat
aspetong iyon. 15
Kung matindi ang pagmamahal ng isang ama sa kanyang mga
anak, at mula sa pagkabata nila’y niyakap sila nang buong pagmamahal
at ipinadama sa kanila ang kanyang pagmamahal, naniniwala
ako na ang gayong samahan ay mas tatamis pa sa
kanilang pagtanda. Pananatilihin silang malapit nito kapag kinailangan
ng isang problema sa buhay ng anak ang nagpapayapang
kamay ng isang ama na nakauunawa. Ang ina na sabik na naghihintay
sa gabi sa pag-uwi ng kanyang anak na babae mula sa sayawan
upang mahagkan siya ng anak at marinig niya ang
mahalagang pagkukuwento na may kasabikan at tuwa ng isang
dalagita, ay gagantimpalaang mabuti ng walang-maliw na pagmamahal
ng anak. Ito ang magiging walang hanggang proteksiyon
niya laban sa kasalanan dahil pinagkatiwalaan siya ng kanyang
ina.
Ang mga magulang na masyadong abala o pagod na upang
magambala pa ng kaguluhan ng mga musmos at pinatatabi ang
mga ito o pinalalabas ng tahanan dahil sa takot na marumihan
nila ang malinis na tahanan ang maaaring nagtutulak sa kanila,
dahil na rin sa kalungkutan, tungo sa isang lipunan kung saan
laganap ang kasalanan, krimen at kataksilan. Ano ang magiging
pakinabang ng isang ama, na dapat sana’y karapat-dapat sa
Kahariang Selestiyal, kung naligaw ang kanyang anak sa kasalanan
dahil na rin sa kanyang kapabayaan? Ang lahat ng kasiyasiyang
lipunan o samahan sa daigdig na tumutulong sa mga taong
nangangailangan, maging ito ma’y ukol sa tao o relihiyon,
ay di kailanman magiging kabayaran sa pagsisikap ng isang ina
sa labas ng kanyang tahanan na iligtas ang sangkatauhan o
isang mithiin, gaano man kabuti ito, kung ang kapalit naman
nito’y ang pagkaligaw ng mga kaluluwa sa kanya mismong tahanan.
16
Madalas kong ipayo, at muli kong uulitin sa inyong lahat na
narito: “Ang pinakamahalagang gawain ng Panginoon na gagawin
ninyo ay ang nasa loob mismo ng inyong mga tahanan.”
Hindi natin dapat kalimutan ito kailanman. 17
158